விமர்சனங்களை ஏற்க பழக வேண்டும் கவர்னருக்கு எதிர்க்கட்சி தலைவர் 'அட்வைஸ்'
Added : டிச 07, 2022 | |
Advertisement
 
 
 
Advertisement
Advertisement
dinamalar advertisement tariff
 



புதுச்சேரி : பிரதமர் கூறியபடி, விமர்சனங்களை ஏற்றுக் கொள்ள கவர்னர் தமிழிசை பழக வேண்டும் என எதிர்க்கட்சி தலைவர் சிவா தெரிவித்துள்ளார்.

அவரது அறிக்கை:

மத்திய பா.ஜ., அரசு பேச்சுரிமை, கருத்துரி மையை நசுக்கும் வகையில் தொடர்ந்து செயல்படுகிறது. அந்த வகையில் புதுச்சேரி கவர்னர் தமிழிசை, அரசு விழா ஒன்றில் பேசும்போது, கவர்னரை மிக மோசமாக இணையத்தில் விமர்சிக்கிறார்கள். அது போல் செய்தால், இனி விமர்சிக்க முடியாத அளவு நடவடிக்கை இருக்கும் என மிரட்டியுள்ளார். இதை வன்மையாக கண்டிக்கிறோம். அரசியல் தலைவர்களுக்கு விமர்சனத்தை ஏற்கும் பக்குவம் இருக்க வேண்டும்.

மக்களை சந்தித்து அதிகாரத்துக்கு வருவோருக்கு அந்த பக்குவம் இருக்கும். அவ்வாறு வராதோருக்கு இந்த பக்குவம் இருக்காது என்பதை கவர்னர் தனது பேச்சில் உறுதியாக்கியுள்ளார். மக்களால் தேர்வாகும் அரசியல்வாதிகளுக்கு அந்த பக்குவம் இருக்கும் என்பதை அவரே அதே விழாவில் கூறியுள்ளார்.

பிரதமர் மோடியிடம் சுறுசுறுப்புக்கு காரணம் பற்றிய கேள்விக்கு விமர்சனத்தை சாப்பிடுவதாலே அது போல் உள்ளதாக அவர் கூறியதாக கவர்னர் தெரிவித்துள்ளார்.

பிரதமர் கூறியபடி, விமர்சனங்களை ஏற்று கொள்ள கவர்னர் தமிழிசை பழக வேண்டும். இதன் மூலமே அவர் செல்லும் பாதை எவ்வளவு தவறானது என்பதை உணர முடியும். மாறாக விமர்சனம் செய்வோரை மிரட்டுவதை ஏற்க முடியாது. அது ஜனநாயகம், பேச்சுரிமைக்கு எதிரானது.

அரசியல்வாதிகளுக்கு எதிலும் நிதானம் தேவை என்பதை உணர்ந்து கவர்னர் விழாக்களில் பேச வேண்டும். மாறாக அடக்கு முறையை பிரயோகிக்க நினைத்தால் அது எதிர்விளைவை ஏற்படுத்தும் என்பதை கவர்னருக்கு வேண்டுகோளாக வைக்கிறேன். மேலும், விமர்சித்தால் நடவடிக்கை எடுக்கப்படும் என்ற தனது பேச்சை, கவர்னர் திரும்ப பெற வேண்டும்.

கவர்னர் அனைத்து தகுதியோடு பொறுப்புக்கு வந்ததாக கூறியுள்ளார். அரசியல்வாதிகளுக்கு தகுதி என்பது மக்களை சந்தித்து ஓட்டு வாங்கி வெல்வது தான். கவர்னர் யாரும் அதுபோல் வென்று பொறுப்புக்கு வரவில்லை. இவர்களுக்கான எல்லையை உணர்ந்து கவர்னர்கள் செயல்பட வேண்டும்.

இவ்வாறு தெரிவித்துள்ளார்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் புதுச்சேரி கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X