Dinamalar

பெண்ணாடம், : பெண்ணாடத்தில் கரும்பு ஏற்றிச்சென்ற டிராக்டர் தாறுமாறாக ஓடியதால், சாலையோரம் நிறுத்தி வைக்கப்பட்டு இருந்த 5 பைக்குகள் சேதமடைந்தன.

பெண்ணாடம் அடுத்த துறையூரில் இருந்து டி.என். 21 - ஏ.எம்.2839 பதிவெண் கொண்ட டிராக்டர், டி.என். 32 - டி. 2540 பதிவெண் கொண்ட டிரைலரில் கரும்பு ஏற்றிக்கொண்டு, நேற்று மாலை 4:00 மணியளவில் பெரம்பலுார் சர்க்கரை ஆலைக்கு சென்றது.

பெண்ணாடம், அம்பேத்கர் நகர் அருகே வந்த போது, எதிர்பாராதவிதமாக டிராக்டர் கட்டுப்பாட்டை இழந்து, சாலையோர குடியிருப்பு முன் நிறுத்தியிருந்த பைக்குகள் மீது மோதியது.

இதில், அதே பகுதியைச் சேர்ந்த விக்னேஷின் டி.என். 82 - ஏ. 0564 பைக்; டி.என். 91 - வி. 9210 பதிவெண் கொண்ட ரம்யாவின் ஸ்கூட்டி, எழுமத்துார் குருசாமியின் டி.என். 31 - ஏ.இசட். 4014 பைக் உட்பட 5 பைக்குகள் நசுங்கி சேதமடைந்தது.

தகவலறிந்து வந்த பெண்ணாடம் சிறப்பு சப் இன்ஸ்பெக்டர் சுப்ரமணியன் தலைமையிலான போலீசார், டிராக்டரை பறிமுதல் செய்து விபத்து ஏற்படுத்திய டிரைவர் யார், எந்த ஊரைச் சேர்ந்தவர் என விசாரிக்கின்றனர்.

இச்சம்பவத்தால் அப்பகுதியில் சிறிது நேரம் பரபரப்பு நிலவியது.

• 1. ஏ.கே.டி., கல்வி நிறுவனத்தில் குடியரசு தின விழா
• 2. குடியரசு தின விழா இணைப்பு
• 3. மகள் மாயம் தந்தை புகார்
• 4. கிராம சபா கூட்டத்தில் குழந்தைக்கு பெயர் சூட்டிய கலெக்டர்
• 5. மொழிதான் நம்மை ஒன்று சேர்க்கும் கள்ளக்குறிச்சியில் ராசா எம்.பி., பேச்சு
• 6. கள்ளக்குறிச்சி கலெக்டருக்கு கவர்னர் விருது வழங்கல்
• 7. வெளிநாடு வாழ் வாக்காளர் தங்கள் பெயரை சேர்க்கலாம் டி.ஆர்.ஓ., சத்தியநாராயணன் தகவல்
• 8. புகையிலை பொருட்கள் விற்ற  3 பேர் மீது வழக்கு
• 9. வீட்டின் பூட்டை உடைத்து  திருடிய கணவர் மீது மனைவி புகார்
• 10. பெண்ணை தாக்கிய மூவர் மீது வழக்கு