Dinamalar

திருவெண்ணெய்நல்லுார் : திருவணெ்ணெய்நல்லுார் மலட்டாறு மேம்பாலத்தில் மது அருந்தும் குடிமகன்களால் மாணவிகள், பொதுமக்கள் அச்சமடைந்துள்ளனர்.

திருவெண்ணெய்நல்லுார் கடந்த 3 ஆண்டுகளுக்கு முன் தாலுகாவாக அறிவிக்கப்பட்டது. அதன் பின் மலட்டாறு அருகே உள்ள அரசு இடம் தேர்வு செய்யப்பட்டு, 3.25 கோடி ரூபாய் மதிப்பீட்டில் புதிய தாலுகா அலுவலகம் கட்டப்பட்டு கடந்த 8 மாதங்களுக்கு முன் திறக்கப்பட்டது.

தாலுகா அலுவலகம் உள்ள பகுதியில் பஸ் வசதி இல்லாததால், பெரும்பாலான அரசு ஊழியர்கள், பொதுமக்கள், மாதிரி பள்ளி மாணவர்கள், ஏமப்பூர் அரசு பள்ளி மாணவர்கள் என தினமும் கள்ளுக்கடை சந்திப்பிற்கு வந்து பஸ் ஏறிச் செல்லும் நிலை உள்ளது.

இந்நிலையில் தாலுகா அலுவலகத்திலிருந்து கள்ளுக்கடை சந்திப்பு வரை சாலையில் மின் விளக்குகள் இல்லாததால் 500 மீட்டர் துாரம் இருள் சூழந்து காணப்படுகிறது.

இதனை மது பிரியர்கள் சாதகமாக பயன்படுத்திக் கொண்டு, மலட்டாறு மேம்பாலத்தை தற்போது பாராகவே மாற்றி விட்டனர். தினமும் மாலை நேரங்களில் பாலத்தில் அமர்ந்து மது அருந்துவதும், போதை தலைக்கேறிய நிலையில் அவ்வழியாக செல்லும் பள்ளி மாணவிகளை கிண்டல் செய்து, ஆபாசமாக பேசுவதும், அவர்கள் செல்லும் சைக்கிளை பிடித்து இழுப்பது போன்ற சம்பவங்களில் ஈடுபட்டு வருகின்றனர்.

இதுகுறித்து புகார்கள் சென்றும் போலீசார் கண்டு கொள்ளவில்லை என்ற குற்றச்சாட்டு உள்ளது. இதனால் பள்ளி மாணவிகள், பொதுமக்கள் அவதிக்குள்ளாகி வருவதோடு, மாலை நேரங்களில் அச்சத்துடனேயே சென்று வருகின்றனர்.

எனவே தாலுகா அலுவலகத்திலிருந்து கள்ளுக்கடை சந்திப்பு வரை மின் விளக்குகள் அமைப்பதுடன், அப்பகுதியில் மது பிரியர்கள் மது அருந்துவதைத் தடுத்து போலீசார் கடும் நடவடிக்கை எடுக்க வேண்டும்.

• 1. பயிற்சி துவக்க விழா
• 2. கடலுாரில் அரசு பஸ் ஜப்தி 
• 3. பால்குட ஊர்வலம்
• 4. தனியார் பஸ் மோதி வாலிபர் பரிதாப பலி
• 5. இன்ஸ்பெக்டர் பொறுப்பேற்பு
• 6. சாலையை ஆக்கிரமித்த தள்ளுவண்டிகள் அகற்றம்
• 7. தைப்பூச விழாவில் அன்னதானம் வழங்க அனுமதி பெற வேண்டும்: உணவு பாதுகாப்பு அதிகாரி தகவல்
• 8. பள்ளி மாணவர் கல்லால் தாக்கும் வீடியோ: போலீசார் எச்சரிக்கை
• 9. எரிவாயு குறித்த விழிப்புணர்வு
• 10. மகாலட்சுமி பாலிடெக்னிக்கில் கைப்பந்து விளையாட்டு போட்டி