Dinamalar

பெரியகுளம் : கும்பக்கரை அருவியில் குளிப்பதற்கு அனுமதி உள்ள நிலையில், போலீசார் வைத்துள்ள 'குளிப்பதற்கு தடை' என்ற போர்டால் சுற்றுலா பயணிகள் ஏமாற்றுத்துடன் திரும்பும் நிலை ஏற்பட்டுள்ளது.

கொடைக்கானல் மலைப் பகுதியில் பெய்த மழை, கும்பக்கரை நீர்ப்பிடிப்பு பகுதியில் பெய்த மழையால் கும்பக்கரை அருவிக்கு தண்ணீர் வருகிறது.

தமிழகத்தின் பல்வேறு பகுதிகளில் இருந்து ஏராளமான சுற்றுலாப் பயணிகள் வந்து செல்கின்றனர். சபரிமலைக்கு சென்று திரும்பும் ஐயப்ப பக்தர்கள் கும்பக்கரை அருவிக்கு அதிகளவில் வருகின்றனர்.

இந்நிலையில் நவ.,3ல் கும்பக்கரை அருவிக்கு தண்ணீர் வரத்து அதிகரித்ததால் சுற்றுலா பயணிகள் குளிக்க வனத்துறை தடை விதித்தது.

அப்போது பெரியகுளம் வடகரை போலீஸ் ஸ்டேஷன் சார்பில் குளிக்க அனுமதி இல்லை என பிளக்ஸ் போர்டு வைத்திருந்தனர். இதனை தொடர்ந்து தண்ணீர் வரத்து சீரானது. அதனால் நவ.,23ல் சுற்றுலா பயணிகள் குளிக்க வனத்துறை அனுமதி அளித்தது.

குளறுபடி

அருவியின் நுழைவுப் பகுதியில் போலீசார் வைத்திருந்த பிளக்ஸ் போர்டு அகற்றப்படவில்லை. இதனால் சுற்றுலாப் பயணிகள் இந்த போர்டை பார்த்து அனுமதி இல்லை என நினைத்து திரும்பிச் செல்கின்றனர். போலீசார் வைத்ததை வனத்துறை நிர்வாகம் அகற்றுவதற்கு தயக்கம் காட்டுகிறது. வடகரை போலீசார் நடவடிக்கை எடுக்க வேண்டும்.

• 1. தவ்ஹீத் ஜமாத் மாநாடு தடை கோரி வழக்கு உயர்நீதிமன்றம் உத்தரவு
• 2. மேலவளவு 6 பேர் கொலை வழக்கு 13 பேர் விடுவிப்பிற்கு எதிராக மனு உயர்நீதிமன்றம் தள்ளுபடி
• 3. குறைந்த கட்டணத்தில் புற்றுநோய் குணப்படுத்தக்கூடியதே...
• 4. பார்ப்போரை முகம்சுளிக்க வைக்கும் போஸ்டர்கள்; நகரின் அழகை அலங்கோலப்படுத்தும் அவலம்
• 5. மகள் திருமணத்தன்று இறந்த தந்தை
• 6. குறைகளை கூறுவோம், தீர்வு காண்போம் பகுதிக்காக...
• 7. மாற்றுத்திறனாளிகள் ஆர்ப்பாட்டம்
• 8. சிறுதானியங்கள் கருத்தரங்கம்
• 9. பிப்.7ல் மாற்றுத்திறனாளிகுறைதீர் கூட்டம்
• 10. பழநியில் திரண்ட பக்தர்கள் வாகனங்களால் போக்குவரத்து நெரிசல்