Dinamalar

கிருஷ்ணகிரி, டிச. 7-
''உழைப்பவர்களுக்கு வீடு தேடி பதவி வரும்,'' என கிருஷ்ணகிரி, தி.மு.க., கிழக்கு மாவட்ட செயலாளர் மதியழகன் எம்.எல்.ஏ., பேசினார்.
கிருஷ்ணகிரி கிழக்கு மாவட்ட, தி.மு.க., சார்பில் அவசர செயற்குழு கூட்டம் நேற்று நடந்தது. மாவட்ட அவைத்தலைவர் தடரஹள்ளி நாகராஜ் தலைமை வகித்தார். முன்னாள் மாவட்ட செயலாளரும், மாநில அமைப்புசாரா ஓட்டுனர் அணி செயலாளருமான செங்குட்டுவன் பேசுகையில், ''மாவட்ட செயலாளர் பொறுப்பு வேறு ஒருவருக்கு வழங்கப்பட்டவுடன், நான் வேறு கட்சியில் இணைவேன் என சிலர் பேசினர். என் புகைப்படம் இல்லாமல் பேனர் அடித்து என் வீட்டு வாசலில் ஒட்டினர்.

தற்போது நமக்குள் மோதுவது முக்கியமல்ல. அ.தி.மு.க., விரைவில் ஒன்றாகி விடும். பா.ஜ., கூட்டணியுடன் சேர்ந்து, தேர்தலில் நம்மை எதிர்கொள்ளும். அவர்களை நாம் எதிர்கொள்ளவேண்டும். அதுதான் முக்கியம்,'' என்றார்.
தொடர்ந்து, மாவட்ட செயலாளர் மதியழகன் எம்.எல்.ஏ., பேசியதாவது:
செயற்குழு கூட்டத்தில் அனைவரும் பதவி வேண்டும் என்கிறீர்கள். பதவியை பொறுப்பாக நினைத்து பணியாற்ற வேண்டும். நீங்கள் செய்யும் கட்சி பணிகளை பார்த்து, உங்கள் பதவிகள் வீடு தேடி வரும். அதற்கு நீங்கள் பொருளாதார செலவு செய்ய தேவையில்லை. கட்சிக்காக உழைத்தாலே போதும்.
இவ்வாறு, அவர் பேசினார்.
மாவட்ட துணைச்செயலாளர்கள், தலைமை செயற்குழு உறுப்பினர்கள், பொதுக்குழு உறுப்பினர்கள், ஒன்றிய செயலாளர்கள், நகர செயலாளர்கள் உள்பட, 500க்கும் மேற்பட்டோர் கலந்து கொண்டனர்.

• 1. ஆண்கள் மட்டுமே பங்கேற்ற திருவிழா 247 ஆடுகள் பலியிட்டு நேர்த்திக்கடன்
• 2. ரூ.20 கோடிக்கு மேல் மோசடி செய்தவர் திட்டமிட்டு குடும்பத்துடன் தலைமறைவு
• 3. ரூ.11 கோடி மதிப்பு கோவில் நிலம் மீட்பு
• 4. சிறுத்தை பீதியில் ப.வேலுார் மக்கள்
• 5. 'டெண்டர்' பெட்டியுடன் ஓட்டம் நாமக்கல்லில் அதிகாரிகள் அதிர்ச்சி
• 6. வெள்ளத்தில் சேதமானவற்றை சீரமைக்காததால் ஒகேனக்கல் வரும் சுற்றுலா பயணியர் தவிப்பு
• 7. சேலம், நாமக்கல்லில் ரூ. 1 5 0 கோடிக்கு 'டவல்' தேக்கம் இலவச வேட்டி, சேலை திட்டத்தில் வழங்க கோரிக்கை
• 8. வழித்தட தகராறில் விவசாயி கொலை: டிராக்டரில் சிக்கி ‍கொலையாளி பலி
• 9.துப்பாக்கி தோட்டா வெடித்து பைக்குகள் சேதம்: சம்பவத்தை மறைத்த வனத்துறையால் சர்ச்சை
• 10. தீக்குளிக்க வந்த முதியவர் மாரடைப்பால் இறப்பு