Dinamalar

ஈரோடு மாவட்டம் சத்தியமங்கலம் வனத்துறை டெப்போ, கிழக்கு வீதியில் குவாலிட்டி டிரேடர்ஸ், ரிலிப் ெஹர்பல் புராடெக்ட் என்ற பெயரில் இரு மூலிகை மருந்து தயாரிக்கும் ஆலைகள் கடந்த, 2018, நவ., மற்றும், 2019 ஆக., ஆகிய மாதங்களில் செயல்பாட்டுக்கு வந்தது.
இதன் உரிமையாளர்கள், பங்குதாரர்களாக சத்தியமங்கலம் கெம்பநாயக்கன்பாளையம் தங்கராஜ், புளியங்கோம்பை பிரகாஷ், கோணார் நாயக்கன்பாளையம் ஆனந்தகுமார், பவானி ஆண்டிபாளையம் பிரபாகரன், சத்தி வடக்குபேட்டை பொன்னுசாமி, கெம்பநாயக்கன்பாளையம் துரைசாமி ஆகியோர் செயல்பட்டனர்.

இந்த மூலிகை மருந்து தயாரிக்கும் ஆலையில், ஒரு லட்சம் ரூபாய் முதலீடு செய்தால், 100 நாட்களுக்கு தினமும், 2,500 ரூபாய் ரொக்கம் அல்லது வங்கி மூலம் பணம் வழங்குவதாகவும், 100வது நாளில் முதலீடு செய்த பணம் திரும்ப தருவதாக கூறினர். தவிர, 10 ஆயிரம் ரூபாய் முதலீடு செய்தால், 100 நாட்களுக்கு தினமும், 100 ரூபாய் வழங்குவதாகவும், 100 நாட்களுக்கு பின், முதலீடு செய்த பணத்தை திரும்ப வழங்குவதாக விளம்பரம் செய்தனர்.
இதை நம்பி, ஈரோடு, திருப்பூர், சேலம், கரூர், துாத்துக்குடி, மதுரை, கடலுார், விருதுநகர், விழுப்புரம், திண்டுக்கல், புதுச்சேரி, சென்னையை சேர்ந்த பலரும் முதலீடுகளை வங்கி மூலம் அனுப்பினர்.
குவாலிட்டி டிரேடர்ஸ் பங்குதாரர்கள், 100 நாட்களுக்கான பணத்தையும், முதலீட்டையும் திரும்ப வழங்கவில்லை. இதனால் பாதிக்கப்பட்டோர், சத்தியமங்கலம் போலீசில் புகார் செய்தனர். புகார்படி, வழக்குப்பதிவு செய்து பங்குதாரர்களை கைது செய்தனர். இவ்வழக்கு, ஈரோடு மாவட்ட பொருளாதார குற்றப்பிரிவுக்கு மாற்றப்பட்டது. பொருளாதார குற்றப்பிரிவு போலீசில், 15 பேர் புகார் செய்துள்ளனர். நுாற்றுக்கணக்கானோர், பல லட்சம் ரூபாய் ஏமாந்துள்ளனர் என தெரியவந்தது.
எனவே, குவாலிட்டி டிரேடர்ஸ் நிறுவனத்தில் முதலீடு செய்து, பாதிக்கப்பட்ட மக்கள், ஈரோடு ஸ்டேட் பாங்க் சாலையில் உள்ள ஈரோடு மாவட்ட பொருளாதார குற்றப்பிரிவு அலுவலகத்தில் புகாரளிக்கலாம். கூடுதல் விபரம் அறிய, 88073 28868 என்ற எண்ணிலும் தொடர்பு கொண்டு தெரிவிக்கலாம்.

 

• 1. பவானி சாகர் அணையின் நீர்மட்டம் உயர்வு
• 2. உடும்பு, மான் வேட்டை மூன்று பேருக்கு சிறை
• 3. யானை மிதித்து தொழிலாளி பலி?
• 4.நம்பியூர் டவுன் பஞ்சாயத்தில் சுடுகாட்டில் குப்பைக்கு தீ வைப்பதால் அவதி
• 5. மகா மாரியம்மன் கோவில் திருவிழா
• 6.ஈரோடு சிலவரி செய்திகள்
• 7.பவானி ஆற்றின் குறுக்கே பழைய பாலம் இடிப்பு
• 8.அதிமுக.,வுக்கு சோதனை புதிதல்ல: பழனிசாமி பேச்சு
• 9. கால்நடை சந்தையில் மிரட்டியவர் மீது நடவடிக்கை கோரி எஸ்.பி.,யிடம் முறையீடு
• 10. 225 பஞ்.,களிலும் கிராமசபை கூட்டம் நிறைவு