Dinamalar

தூத்துக்குடி: தூத்துக்குடி லேபர் காலணியை சார்ந்தவர் சரவணக்குமார். கூலி தொழிலாளியான இவர் பட்டியல் சாதியினை சார்ந்தவர். இவரது மகள் ஹரிணி (வயது 20) இவர் தூத்துக்குடி அரசு மருத்துவ கல்லூரி மருத்துவமனையில் நர்சிங் இரண்டாமாண்டு பயின்று வந்தார்.
இவருக்கும் பக்கத்துவீட்டை சார்ந்த ராகுல் காந்தி என்ற ராபிக்கும் காதல் ஏற்பட்டு இரண்டு ஆண்டுகளாக காதலித்துவந்துள்ளனர். திருமண ஆசை வார்த்தை கூறி மேற்படி ஹரிணியை பல்வேறு இடங்களுக்கு அழைத்து சென்று பாலியல் பலாத்காரம் செய்துள்ளார்.
மேற்படி ஹரிணி இருமுறை கர்ப்பமாகி கருக்கலைப்பும் செய்துள்ளார். தற்போது ஹரிணி மூன்று மாதம் கர்ப்பமாக உள்ளார். மேற்படி ராபி ஆதிக்க சமூகத்தை சார்ந்தவர். மேற்படி மாணவியை ராபி திருமணம் செய்ய மறுத்ததினால் மனமுடைந்த மாணவி ஹரிணி நேற்று வீட்டில் விஷ மருந்து அருந்தி தற்கொலை செய்து கொண்டுள்ளார்.

மாணவியின் உடல் உடற்கூறு ஆய்விற்காக அரசு மருத்துவ கல்லூரி மருத்துவமனையில் வைக்கப்பட்டுள்ளது. மாணவியின் பெற்றோர்கள் உடலை வாங்க மறுத்து மருத்துவமனையினைமுற்றுகையிட்டுள்ளனர். மேலும் பாதிக்கப்பட்ட மாணவியின் பெற்றோர்கள் பாதிப்பை ஏற்படுத்திய ராகுல் காந்தியை கைது செய்ய வேண்டும் எனவும், தாழ்த்தப்பட்டோர் வன்கொடுமை தடுப்பு சட்டத்தின் கீழ் வழக்குபதிவு செய்ய வேண்டும், பாதிக்கப்பட்ட மாணவியின் குடும்பத்திற்கு உரிய இழப்பீடு வழங்க வேண்டும் என உடலை வாங்க மறுத்து வருகின்றனர். இதனால் பரபரப்பு ஏற்பட்டுள்ளது.