Dinamalar

வேலுார்:வேலுார் மாநகராட்சியில் வாடகை, வரி பாக்கி, 50 கோடி ரூபாயை வசூலிக்க, 240 பேர் நியமிக்கப்பட்டுள்ளனர்.

வேலுார் மாநகராட்சிக்கு சொந்தமான, 1,850 கடைகள் உள்ளன. கடைகளின் வாடகை பாக்கியாக, 15 கோடி ரூபாய், சொத்து வரி, குப்பை வரி பாக்கியாக, 35 கோடி ரூபாய் என, 50 கோடி ரூபாய் நீண்ட நாட்களாக வசூலாகாமல் உள்ளது.

இதை வசூலிக்க, மாநகராட்சி அதிரடி நடவடிக்கைகள் மேற்கொண்டுள்ளது.

இது குறித்து, மாநகராட்சி கமிஷனர் அசோக்குமார் கூறியதாவது:

பாக்கி வைத்துள்ளவர்களின் கடைகள், 'சீல்' வைக்கப்படும். அதிக வாடகை பாக்கி வைத்துள்ளவர்களில், 100 பேரின் பெயர், புகைப்படம் தயாரிக்கப்பட்டு மக்கள் கூடும் இடங்களில் பார்வைக்கு வைக்கப்படும்.

மாநகராட்சியில், 5.50 லட்சம் மக்கள் உள்ளனர். வரிபாக்கிகளை வசூலிக்க, ஒரு வார்டுக்கு நான்கு பேர் வீதம், 60 வார்டுக்கு, 240 பேர் நியமிக்கப்பட்டு வீடு, வீடாக சென்று வசூலிக்கப்படும். 'டிஜிட்டல்' பரிவர்த்தனை மூலமாகவும், வரி வசூல் செய்ய நடவடிக்கை எடுக்கப்பட்டுள்ளது.

இவ்வாறு அவர் கூறினார்.

• 1. சிறுமியிடம் சில்மிஷம் வாலிபருக்கு 'போக்சோ'
• 2. போதை போலீஸ்காரர் 'சஸ்பெண்ட்'
• 3. கலெக்டரை கண்டித்து டாக்டர்கள் திருவண்ணாமலையில் ஆர்ப்பாட்டம்
• 4. நண்பனின் இறப்பை தாங்காமல் துாக்கில் தொங்கிய சினேகிதன்
• 5. கிணற்றில் மூழ்கி சிறுவன் பரிதாப பலி
• 6. கழிவுநீரில் மனித உயிரிழப்பு தமிழகத்தில் அதிகம் ஆணைய தலைவர் தகவல்
• 7. வைகாசி பிரதோஷ பூஜை தி.மலையில் கோலாகலம்
• 8.மேகதாது விவகாரத்தில் சமரசம் கிடையாது:அமைச்சர் துரைமுருகன்
• 9.சாராய விற்பனையை தடுக்க தவறிய போலீஸ் ஏட்டு 'சஸ்பெண்ட்'
• 10. 'ப்ளு டூத்' பொருத்தி தேர்வு கைதான வாலிபர் விடுவிப்பு