Dinamalar

உத்திரமேரூர்:உத்திரமேரூர் ஒன்றியத்தில், பொதுப்பணித்துறை கட்டுப்பாட்டின் கீழ், 96 ஏரிகளும், ஒன்றிய கட்டுப்பாட்டில் 124 ஏரிகள் என மொத்தம் 220 ஏரிகள் உள்ளன.

கடந்த ஜூன், ஜூலை மாதங்களில் பெய்த தென்மேற்கு பருவ மழைக்கு, இந்த ஏரிகளில் ஏற்கனவே குறிப்பிட்ட அளவிலான தண்ணீர் இருப்பு இருந்தது.

இந்நிலையில், வட கிழக்கு பருவ மழைக்கு இதுவரை ஒட்டுமொத்தமாக 40 ஏரிகள் மட்டுமே முழுமையாக நிரம்பி உள்ளன. கிட்டத்தட்ட 180 ஏரிகள் இன்னும் நிரம்பாமல் உள்ளன.

குறிப்பிட்ட சில ஏரிகள், நீர்வரத்து கால்வாய் ஆக்கிரமிப்பு, கால்வாய் துார் வாராதது உள்ளிட்ட சில காரணங்களால் ஏரிகள் நிரம்புவதில் தாமதம் இருந்தாலும், இந்த ஆண்டுக்கான வட கிழக்கு பருவமழை இன்னும் போதிய அளவுக்கு கிடைக்கவில்லை.

இதனால் ஏரிகள் முழுமையாக நிரம்பாமல் உள்ளதாக பலதரப்பட்ட விவசாயிகள் கூறி வருகின்றனர்.

இந்நிலையில், வங்கக் கடலில் உருவாகி உள்ள 'மாண்டஸ்' புயல் காரணமாக தமிழகத்தில் நான்கு நாட்கள் கனமழை பெய்யும் என வானிலை மையம் அறிவித்து உள்ளது.

இந்த மழை காரணமாக உத்திரமேரூர் ஒன்றியத்தில் இதுவரை பெய்த மழைக்கு நிரம்பாமல் உள்ள ஏரிகள் நிரம்புமா என விவசாயிகள் எதிர்பார்ப்போடு உள்ளனர்.

• 1. பெண்ணிடம் சீண்டல் இரு வாலிபர்கள் கைது
• 2. கொள்ளை சம்பவத்தில் ஈடுபட்ட நால்வர் சிறையில் அடைப்பு
• 3. ஆதிபராசக்தி சித்தர் பீடத்தில் தைப்பூச ஜோதி
• 4. எஸ்.ஆர்.எம்., பொது பள்ளியில் மழலையர் விளையாட்டு விழா
• 5. சிறுமியை கர்ப்பமாக்கிய வாலிபருக்கு 'போக்சோ'
• 6. கடலில் மூழ்கி 2 பேர் உயிரிழப்பு
• 7. ரூ.20 லட்சம் 'ஹவாலா' பறிமுதல்
• 8. குடிநீர் குழாயில் உடைப்பு
• 9. வெடிகுண்டு விவகாரம்: நாய் வியாபாரி கைது
• 10. கல்லுாரி மாணவியிடம் நுாதன திருட்டு