Dinamalar

தென்காசி:தென்காசியில் நடந்த அரசு விழாவில் பங்கேற்ற முதல்வர் ஸ்டாலின் ''குற்றாலத்தில் இருந்து நிகழ்ச்சி நடக்கும் இடத்திற்கு 15 நிமிடத்தில் வந்து விடலாம். நான் வர ஒன்றரை மணி நேரம் ஆனது. காரணம் வழியெங்கும் மக்கள் இந்த ஆட்சி தொடர வேண்டும் என வாழ்த்தியதுதான்,'' என்றார்.

தமிழக முதல்வர் ஸ்டாலின் தென்காசியில் நடந்த அரசு விழாவில் பங்கேற்றார்.

அமைச்சர் சாத்துார் ராமச்சந்திரன் தலைமை வகித்தார். அமைச்சர்கள் கே.என்.நேரு, ஐ.பெரியசாமி உள்ளிட்டோர் பங்கேற்றனர்.

ரூ. 22 கோடியே 20 லட்சம் மதிப்பில் முடிவுற்ற 57 திட்டப் பணிகளை திறந்து வைத்தார். ரூ. 34 கோடியே 14 லட்சம் மதிப்பில் 23 புதிய திட்டங்களுக்கு அடிக்கல் நாட்டினார். ஒரு லட்சத்திற்கும் மேற்பட்ட பயனாளிகளுக்கு 182 கோடியே 56 லட்சம் ரூபாய் மதிப்பிலான அரசு நலத்திட்ட உதவிகளை வழங்கினார்.

முதல்வர் ஸ்டாலின் பேசியதாவது:

சுதந்திரப் போராட்ட வீரர் புலிதேவன் மணிமண்டபம், சிலை அமைத்துக் கொடுத்ததும், அவரது தளபதி ஒண்டிவீரனின் மணி மண்டபத்திற்கு நிதி ஒதுக்கியதும் முன்னாள் முதல்வர் கருணாநிதி தான். 500 ஆண்டுகளுக்கு முந்தைய தென்காசி கோயில் ராஜகோபுரத்தை மீண்டும் புதுப்பிக்க 1960களில் நீதிக்கட்சித் தலைவர் பி.டி.ராஜன் தலைமையில் முயற்சி மேற்கொள்ளப்பட்டது. பின் எம்.ஜி.ஆர்., ஆட்சியில் குழு அமைக்கப்பட்டது. 1990 ஜூன் 25ல் தி.மு.க., ஆட்சியில் ராஜகோபுர கும்பாபிேஷகம் நடந்தது.

தற்போது நடப்பது அரசு விழாவா எங்கள் கட்சியின் மாநில மாநாடா என்று சந்தேகப்படும் அளவிற்கு மக்கள் வந்துள்ளனர்.

ஆண்டாள் கோயிலில் துர்கா

விருதுநகர் மாவட்டம் ஸ்ரீவில்லிபுத்தூர் ஆண்டாள் கோயிலில் முதல்வர் ஸ்டாலின் மனைவி துர்கா, குடும்பத்தினர் பெயரில் அர்ச்சனை செய்து வழிபட்டார்.

நேற்றிரவு 7:16 மணிக்கு அமைச்சர் சாத்தூர் ராமச்சந்திரனின் காரில் துர்கா, கோயில் ஆடிப்பூர பந்தலுக்கு வந்தார். செயல் அலுவலர் முத்துராஜா, பட்டர்கள் வரவேற்றனர்.

• 1. 'ரோஸ்' நிறமாக மாறியது உப்பாற்று ஓடை கண்டுகொள்ளாத மாசு கட்டுப்பாட்டு வாரியம்
• 2. கோயிலில் பர்தாவுடன் பெண்கள் ஹிந்து முன்னணி போராட்டம் 20 பேர் கைது
• 3. தந்தை மீது பாலியல் வழக்கு விசாரணை சாட்சியமளிக்க மகள், மகன் மறுப்பு நீதிமன்றத்தில் தீக்குளிக்கவும் முயற்சி
• 4. ரசாயன கழிவு கலந்து செந்நிறமாக மாறிய ஓடை கண்டுகொள்ளாத மாசு கட்டுப்பாட்டு வாரியம்
• 5. தந்தை மீது பாலியல் வழக்கு விசாரணை சாட்சியம் அளிக்க மகள், மகன் மறுப்பு
• 6. காதல் பிரச்னையில் எஸ்.ஐ.,க்கு 'குத்து'
• 7. ஆதிச்சநல்லுாரில் அகழாய்வு பணிகள் துவக்கம்
• 8. பிட்காய்ன் விளம்பர மோசடி ரூ. 12 லட்சம் ஏமாற்றியவர் கைது
• 9. பெண்கள் பள்ளி தாளாளர் போக்சோ வழக்கில் கைது
• 10. ரூ.7 லட்சம் கேட்டு கோயில் பூஜாரி கடத்தல் ஒருவர் கைது : மேலும் 6 பேருக்கு வலை