Dinamalar

கோவை: சிறைக்கைதிகளை நேரலையில் கண்காணிப்பதற்காக காவலர்களின் சட்டையில் கேமரா அணியும் திட்டம், தமிழகத்தில் 10 சிறைகளில் அமல் செய்யப்பட்டுள்ளது.

சிறைகளில் உயர் பாதுகாப்பு செல்களில் அடைக்கப்பட்டுள்ள கைதிகளை கண்காணிப்பதில் பல்வேறு பிரச்னைகள் இருப்பது உயர் அதிகாரிகள் ஆய்வில் தெரியவந்தது. சிறைகளில் நடக்கும் விதிமீறல்கள், கைதிகளின் அத்துமீறிய செயல்கள் வெளியில் தெரியாமல் மூடி மறைக்கப்படுவது தொடர்கதையாக இருந்து வருகிறது.

இதற்கு முடிவு கட்டும் நோக்கத்துடன் தமிழக சிறைத்துறை சார்பில் காவலர்கள் உடையில் அணியும் வகையிலான, 50 நவீன கேமராக்கள், 46 லட்சம் ரூபாயில் வாங்கப்பட்டுள்ளன. இந்த கேமராக்கள், 9 மத்திய சிறைகள் மற்றும் புதுக்கோட்டை மாவட்ட சிறையில் பணியாற்றும் காவலர்களுக்கு வழங்கப்பட உள்ளன.

நேற்று சென்னை புழல் மத்திய சிறை காவலர்களுக்கு கேமரா வழங்கப்பட்டது. இன்னும் ஒரு சில நாட்களில் அனைத்து மத்திய சிறைகளிலும் காவலர்களுக்கு கேமரா வழங்கப்பட உள்ளது. உயர் பாதுகாப்பு கொண்ட செல்களில் அடைக்கப்பட்டுள்ள கைதிகளை கண்காணிப்பதற்கு செல்லும் காவலர்கள், இந்த கேமராக்களை அணிந்திருப்பர்.

இந்த கேமராக்களில் படம் பிடிக்கப்படும் வீடியோ காட்சிகளை, சிறையின் தலைமையகத்தில் இருக்கும் கட்டுப்பாட்டு அறையில் இருந்தபடி உயர் அதிகாரிகள் கண்காணிக்க முடியும் என்று அதிகாரிகள் தெரிவித்தனர்.

• 1. உரம் தயாரிக்க நிதி: கரும்பு விவசாயிகள் வரவேற்பு
• 2. 'தென்னை சார் தொழில்களை கண்டு கொள்ளவில்லை'
• 3. விவசாயிகள் பிரச்னைக்கு தீர்வு காண வேளாண் பல்கலைக்கு ரூ.100 கோடி
• 4. அவிநாசி - அத்திக்கடவு பேஸ்-2 அறிவிப்பில்லை! கோவை விவசாயிகள் ஏமாற்றம்
• 5. சிறு தானிய மண்டலம் அறிவிப்பு! தமிழகத்தின் நிலை உயருமா?
• 6. பட்ஜெட்டில் நீலகிரி புறக்கணிப்பு விவசாயிகள் குற்றச்சாட்டு
• 7. நண்பர் கொலை தம்பதி கைது
• 8. காய்கறி வாங்கப்போனால் கறிவேப்பிலை மட்டும்! பா.ஜ., எம்.எல்.ஏ., வானதி விமர்சனம்
• 9. வடமாநில தொழிலாளர் பாதுகாப்பு: ஹிந்து முன்னணி கலந்தாய்வு
• 10. கோவையின் பம்ப் உற்பத்தியில் மறுமலர்ச்சி