Dinamalar

இவ்வாறு ராதாகிருஷ்ணன் குறிப்பிட்டார்.

நீதிபதிகள் ஆர்.மகாதேவன், ஜெ.சத்திய நாராயண பிரசாத் அமர்வு: ஆக்கிரமிப்பாளர்களாக கருதப்படும் நபர்களை எதிர்மனுதாரர்களாக மனுதாரர் சேர்க்கவில்லை.

இவ்வழக்கில் 2019ல் இந்நீதிமன்றம் ஒரு இடைக்கால உத்தரவு பிறப்பித்தது. அதன்படி கோயிலுக்குச் சொந்தமான சர்வே எண்களில் உள்ள சொத்துக்களை ஆக்கிரமித்துள்ளவர்கள் காலி செய்ய வேண்டும். சொத்தினை கோயில் நிர்வாகத்திடம் ஒப்படைக்க வேண்டும் என பொது அறிவிப்பு வெளியிடப்பட்டது. அதில் ஆக்கிரமிப்பாளர்களின் பெயர்கள், முகவரி மற்றும் ஆக்கிரமிப்பின் பரப்பளவை குறிப்பிடவில்லை. கோயிலுக்கு சொந்தமான சொத்துக்களை ஆக்கிரமிக்கவில்லை.

அவை தங்களுக்கு சொந்தமான சொத்துக்கள். அதிலிருந்து தங்களை வெளியேற்ற மற்றும் பொது அறிவிப்பிற்கு தடை விதிக்க வேண்டும் என சிலர் மனு தாக்கல் செய்துள்ளனர்.

அனைத்துத் தரப்பினருக்கும் அரசுத் தரப்பில் முறையாக நோட்டீஸ் அளித்து விளக்கம் கோர வேண்டும். ஆட்சேபனைகள் இருப்பின் சம்பந்தப்பட்ட அதிகாரியிடம் ஆவணங்களை தாக்கல் செய்ய வேண்டும். அதை தகுதி அடிப்படையில் பரிசீலித்து, ஆக்கிரமிப்பு உறுதியாகும்பட்சத்தில் அகற்ற தகுந்த நடவடிக்கை எடுக்க வேண்டும். இவ்வழக்கில் 2018 லிருந்து இந்நீதிமன்றம் பிறப்பித்த வழிகாட்டுதல்களை பொருட்படுத்தாமல் சம்பந்தப்பட்ட அதிகாரிகள் ஏதேனும் அலட்சியப் போக்குடன் செயல்பட்டிருந்தால் அவர்கள் மீது துறை ரீதியான ஒழுங்கு நடவடிக்கையை அரசுத்தரப்பில் மேற்கொள்ள வேண்டும். இவ்வாறு உத்தரவிட்டனர்.