Dinamalar

சேலம், டிச. 9-
சேலம் மாவட்ட வனத்துறை சார்பில் பசுமை இயக்க திட்டத்தில், 95 சதவீத மரக்கன்றுகள் நடப்பட்டன.
தமிழகத்தில் வனப்பகுதி பரப்பு, நாட்டு மரத்தின் எண்ணிக்கையை அதிகரிக்க, பசுமை இயக்க திட்டம் செயல்படுத்தப்படுகிறது. அதில் சேலம் மாவட்டத்தில் உள்ள வனச்சரகம் சார்பில் மரக்கன்றுகள் வளர்க்கப்பட்டன. வளர்ந்த மரக்கன்றுகள் நடும் பணி இறுதிக்கட்டத்தை எட்டியுள்ளது.

இதுகுறித்து வனத்துறை அதிகாரிகள் கூறியதாவது:
சேலம் கோட்டத்தில் உள்ள சேர்வராயன் தெற்கு, வடக்கு, ஏற்காடு உள்ளிட்ட வனச்சரக அலுவலகத்தில், சமூக காடுகள் பிரிவு அலுவலகம் உள்பட, 13 இடங்களில், 4.29 லட்சம் மரக்கன்றுகள் வளர்ப்பு பணி கடந்த ஏப்ரலில் தொடங்கியது.
அதேபோல் ஆத்துார் வன கோட்டத்தில், 11 இடங்களில், 5.39 லட்சம் மரக்கன்றுகள் வளர்க்கப்பட்டன.
அதில் தேக்கு, செம்மரம், நாவல், பூவரசு, வேம்பு, புங்கன் மரக்கன்றுகள் அடங்கும். கடந்த அக்டோபரில், கன்று நடும் பணி தொடங்கியது. விவசாயிகளுக்கு வழங்கப்படும் செடிகளுக்கு ஆவணங்கள் பெறப்பட்டன.
மேலும் வனப்பகுதி, ஏரி, கல்வி நிலையம், கோவில் மைதானங்களில் மரக்கன்றுகள் நடப்பட்டன. இப்பணி, 95 சதவீதம் முடிந்துள்ளது. மீதி செடிகள் இந்த மாதத்தில் நட்டு முடிக்கப்படும். இதனிடையே நடப்பட்ட மரக்கன்றுகள் எப்படி உள்ளது என்பது குறித்து வனத்துறை சார்பில் ஆய்வு செய்யப்படுகிறது.
இவ்வாறு அவர்கள் கூறினர்.

• 1.காவிரி குடிநீர் குழாய் இணைப்பில் போர்வெல் நீர் 'சப்ளை' செய்யப்படுமா?
• 2.'சிப்காட்' அமைக்க எதிர்ப்பு தெரிவித்து குறைதீர் கூட்டத்தில் விவசாயிகள் வெளிநடப்பு
• 3.27ல் மஹா மாரியம்மன் கோவில் கும்பாபிஷேகம்
• 4.'தொழில் நல்லுறவு' விருது பெற விண்ணப்பங்கள் வரவேற்பு
• 5.புளிய மரத்தில் மோதி எலக்ட்ரீஷியன் பலி
• 6.வடமாநிலத்தவர்களுக்கு அச்சத்தை போக்க போலீசார் சார்பில் ஆலோசனை வழங்க ஏற்பாடு
• 7.'மனமகிழ் மன்றம்' கலை நிகழ்ச்சி
• 8.ப.வேலூர் சந்தையில் தெரு நாய்கள் அட்டகாசம்
• 9.சிலவரி செய்திகள்: நாமக்கல்..
• 10. ஜாக்டோ-ஜியோ சார்பில் மனித சங்கிலி போராட்டம்