Dinamalar

ஓசூர்:ஓசூர் அருகே, பரந்து விரிந்து வளர்ந்துள்ள, 800 ஆண்டுகள் பழமையான ஆசியாவிலேயே மிகப்பெரிய ஆலமரத்தை, அப்பகுதி மக்கள் கடவுளாக வழிபடுகின்றனர்.

கிருஷ்ணகிரி மாவட்டம், கெலமங்கலம் அருகே, தேன்கனிக்கோட்டை செல்லும் சாலையோரம் பிதிரெட்டி கிராமம் உள்ளது.

இங்கு, 4.15 ஏக்கரில் ஆசியாவிலேயே மிகப்பெரிய, 800 ஆண்டுகள் பழமையான ஆலமரம் தனியார் நிலத்தில் உள்ளது. இதில், 1,500க்கும் மேற்பட்ட விழுதுகள் உள்ளன.

இந்த மரத்தின் கீழ், கரகதம்மா கோவில் உள்ளது. பல விழுதுகளுடன் பரந்து விரிந்து நாளுக்கு நாள், மரத்தின் பரப்பு அதிகரித்து கொண்டே செல்கிறது. ஏராளமான பறவைகளுக்கு இந்த மரம் வாழ்விடமாக உள்ளது.

அருகிலுள்ள தனி நபர்களின் நிலத்திற்குள் ஆலமரம் விழுது விட்டு வளர்ந்தாலும், அதை கடவுளாக பார்க்கும் அக்கிராம மக்கள், மரத்தை வெட்டுவதில்லை. மேலும், மரத்தில் காய்ந்து விழும் கிளைகளை கூட, மக்கள் எடுத்து செல்வதில்லை.

மரத்தின் கீழுள்ள கரகதம்மா கோவில் திருவிழாவின்போது, குண்டம் எரிக்க இந்த மரத்தின் கிளைகள் பயன்படுத்தப்படுகின்றன.

சுற்று வட்டார, 14க்கும் மேற்பட்ட கிராமங்களுக்கு, ஆலமர கரகதம்மா கோவில் கிராம தேவதையாக உள்ளது.

இது குறித்து, அப்பகுதியை சேர்ந்த முருகேசன், 54, என்பவர் கூறியதாவது:

ராமச்சந்திரப்பா, சின்னபித்திகப்பா ஆகியோருக்கு சொந்தமான நிலத்தில் தான் ஆலமரம் உள்ளது. இன்றளவும் மரத்தின் கிளைகளை வீட்டிற்கு மக்கள் எடுத்து செல்வதில்லை.

இவ்வாறு கூறினார்.

• 1. ரூ.400 கோடி நலத்திட்ட பணி துவக்கம் இளைஞர் நலத்துறை அமைச்சர் உதயநிதி பங்கேற்பு
• 2. சார்பதிவாளர் அலுவலகத்தில் சிறப்பு முகாம் துவக்கம்
• 3. ஆதார் அட்டை புதுப்பிக்க 10 இடங்களில் சிறப்பு முகாம்
• 4. வேளாண் கல்லூரி மாணவியர் 'உழவன் செயலி' குறித்து விளக்கம்
• 5. தேசிய வாலிபால் போட்டி: மாணவிக்கு பாராட்டு
• 6. மருத்துவ உதவியாளர் பணிக்கு வேலை வாய்ப்பு முகாம்
• 7. பொது வழி பாதையில் கட்டப்பட்ட ஆக்கிரமிப்பு கடை இடித்து அகற்றம்
• 8.சில வரி செய்திகள்: தர்மபுரி மாவட்டம்
• 9. ஏற்காட்டில் பலத்த சத்தம் பொதுமக்கள் அச்சம்
• 10. மூளை ரத்தக்குழாயில் ஏற்பட்ட வீக்கம் தரண் மருத்துவமனையில் நவீன சிகிச்சை