கறவை மாடு கடன் வழங்க தடை இல்லை தர மறுக்கும் சங்கம் மீது புகார் அளிக்கலாம்
Added : டிச 09, 2022 | |
Advertisement
 
 
 
Advertisement
Advertisement
dinamalar advertisement tariff
 

சேலம்:கறவை மாடு கடன் வழங்க தடை ஏதும் இல்லை என்பதால், தர மறுக்கும் கூட்டுறவு சங்கங்கள் மீது புகார் அளிக்க அறிவுறுத்தப்பட்டுஉள்ளது.

சேலம் மாவட்ட தொடக்க வேளாண் கூட்டுறவு கடன் சங்கங்களில் வட்டியில்லா கறவைமாடு கடனை, குறைந்தபட்சம், 1.60 லட்சம் முதல், 3 லட்சம் ரூபாய் வரை, விவசாயிகள் பெறலாம்.



தனிநபர் ஜாமின்




குறைந்தபட்ச கடனுக்கு தனிநபர் ஜாமின், அதிகபட்ச கடனுக்கு சொத்து அடமானம் ஜாமின் போதும்.

விண்ணப்பித்த ஒரு வாரத்தில் கடன் கிடைக்கும். ஓராண்டுக்குள் கடனை திருப்பி செலுத்தி மீண்டும் உரிய ஆவணங்களை சமர்ப்பித்து கறவைமாடு கடன் பெறலாம். அதன்படி கடந்த ஏப்., 1 முதல் தற்போது வரை, 25 ஆயிரம் விவசாயிகளுக்கு, 89 கோடி ரூபாய் கறவை மாடு கடன் வழங்கப்பட்டுள்ளதாக, கூட்டுறவு அதிகாரிகள் தெரிவித்தனர்.

இந்நிலையில், 15 நாளாக கறவை மாடு கடனுக்கு மாற்றாக, பயிர்க்கடன் பெற்றுக்கொள்ள நிர்பந்தம் செய்வதாக விவசாயிகள் குற்றம் சாட்டி உள்ளனர்.

மேலும் பயிர் ரகத்துக்கு ஏற்ப, கடன் தொகை குறைவாக இருக்கிறது. வேறு வழியின்றி அவசர தேவை கருதி, பயிர்க்கடன் பெற்று கொள்கிறோம் என தெரிவித்துஉள்ளனர்.



உத்தரவு




கறவை மாடு கடன் விண்ணப்பத்தில், மத்திய கூட்டுறவு வங்கியின் சரக மேற்பார்வையாளர், வட்டார மேலாளர் பரிந்துரைத்தால் மட்டும் கறவைமாடு கடன் வினியோகம் இருக்கும்.

இருவரின் பரிந்துரை இல்லாததால் கறவைமாடு கடன் வழங்கல், மாவட்டத்தில் நிறுத்தி வைக்கப்பட்டுள்ளதாக விவசாயிகள் கூறுகின்றனர்.

கடன் இலக்கை தாண்டி, விவசாயி தேவைக்கு ஏற்ப கடன் வழங்கலாம் என, தமிழக கூட்டுறவு சங்கங்களின் பதிவாளர் சுற்றறிக்கை உத்தரவு இருந்தும் கறவைமாடு கடன் வழங்கப்படவில்லை.

இதுகுறித்து சேலம் மாவட்ட விவசாய நலச்சங்க தலைவர் கோவிந்தராஜ் கூறியதாவது:



35 கோடி ரூபாய்




ஏத்தாப்பூர் கடன் சங்கத்தில் கறவைமாடு கடன் கேட்ட விவசாயிகளுக்கு பயிர்கடன் வழங்கப்படுகிறது. இதேநிலை மாவட்டத்தில் உள்ள, 203 கூட்டுறவு கடன் சங்கத்திலும் நீடிக்கிறது.

கறவை மாடு கடன் கேட்டு, சங்கத்துக்கு தலா, 5 மனுக்கள் வீதம், 1,000 மனுக்கள் நிலுவையில் உள்ளன.

இவ்வாறு கூறினார்.

மத்திய கூட்டுறவு வங்கி பொது மேலாளர் ரவிச்சந்திரன் கூறுகையில், ''மாவட்டத்தில் கறவை மாடு கடன் இலக்கு, 35 கோடி ரூபாய். ஆனால், இலக்கை தாண்டி கடன் வழங்கப்பட்டுவிட்டது. இருந்தும் கடன் வழங்க எந்த தடையும் இல்லை.

''விண்ணப்பித்த விவசாயிகள் அனைவருக்கும் கறவை மாடு கடன் உண்டு. கடன் தராத சங்கம் குறித்து புகார் செய்தால் நடவடிக்கை எடுக்கப்படும்,'' என்றார்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சேலம் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X