Dinamalar

திருச்சி:முசிறி அருகே, காரில் கஞ்சா கடத்திய மூன்று பேரை போலீசார் கைது செய்து, 2 கிலோ கஞ்சா மற்றும் கடத்தலுக்கு பயன்படுத்திய காரை பறிமுதல் செய்தனர்.

திருச்சி மாவட்டம், முசிறியில், வாகனங்களில் கஞ்சா கடத்தி வரப்படுவதாக, போதைப் பொருள் தடுப்புப் பிரிவு போலீசாருக்கு தகவல் கிடைத்தது.

டி.எஸ்.பி., முத்தரசு, இன்ஸ்பெக்டர் ஜெயசித்ரா, எஸ்,ஐ., சுரேஷ் மற்றும் போலீசார் கொண்ட குழுவினர், இதையடுத்து வாள்வேல் புத்துார் சோதனை சாவடியில் வாகன சோதனை மேற்கொண்டனர்.

அப்போது, அங்கு வந்த மாருதி காரை நிறுத்தி சோதனை செய்த போது, அதில், 40 ஆயிரம் ரூபாய் மதிப்புள்ள 2 கிலோ கஞ்சா மறைத்து எடுத்து வந்ததை கண்டுபிடித்தனர்.

காரில் கஞ்சா கடத்திய கிருஷ்ணகிரி மாவட்டம், பழைய மத்திகிரியைச் சேர்ந்த ஆனந்த் குமார், 22, மஞ்சு ஸ்ரீ நகரைச் சேர்ந்த தட்சிணாமூர்த்தி, 22, மற்றும் முனீஸ்வரன் நகர் பகுதியைச் சேர்ந்த மகேஷ், 22, ஆகியோரை கைது செய்தனர்.

கஞ்சா கடத்த பயன்படுத்திய காரையும் பறிமுதல் செய்தனர்.

• 1.புகழிமலை முருகன் கோவிலுக்கு தீர்த்தக்குட ஊர்வலம்
• 2.காசநோய் விழிப்புணர்வு பேரணி
• 3.புகையிலை இல்லாத கல்வி நிறுவன சான்று: கலெக்டர் அறிவுறுத்தல்
• 4.சேதமடைந்த மண்மங்கலம் - வாங்கல் சாலை
• 5.சிலவரி செய்திகள்: கரூர்..
• 6. சாலை மறியலில் ஈடுபட்ட பெண்கள் மீது வழக்கு
• 7.சி.ஐ.டி.யு., சார்பில் ஆர்ப்பாட்டம்
• 8. வல்லம் பாசன வாய்க்கால் தூய்மை பணி மும்முரம்
• 9. சாக்கடை வாய்க்காலை தூர்வார வலியுறுத்தல்
• 10. வழிகாட்டி போர்டு புதிதாக வைக்கப்படுமா?