Dinamalar

கோவை-ஹெல்ெமட் அணியாமல் சென்ற, 937 பேர் மீது, ஒரே நாளில் வழக்கு பதிவு செய்து போலீசார் அதிரடி நடவடிக்கை மேற்கொண்டனர்.

கோவை மாநகர காவல் துறை சார்பில், சாலை பாதுகாப்பு விழிப்புணர்வு ஏற்படுத்தப்பட்டு வருகிறது. இதையொட்டி, ஒரு நாள் முழுவதும், மாநகர எல்லலைக்கு உட்பட்ட முக்கிய சாலைகளில், ஹெல்ெமட் அணியாமல் செல்லும் வாகன ஓட்டிகள் மீது வழக்கு பதிவு செய்ய, அதிரடி சோதனை நடத்தி விழிப்புணர்வு ஏற்படுத்த போலீசாருக்கு உத்தரவிடப்பட்டது.

அதன்படி, காளப்பட்டி சாலை , கொடிசியா, நவ இந்தியா, பிபிஎல், சரவணம்பட்டி செக் போஸ்ட், துடியலுார் சாலை, காந்திபுரம், சிங்காநல்லுார், பொள்ளாச்சி சாலை, பேரூர் சாலை, பாலக்காடு சாலை, மேட்டுப்பாளையம் சாலை, தடாகம் சாலை, ஆர்.எஸ்.புரம் உட்பட 15 க்கும் மேற்பட்ட இடங்களில் அதிரடி வாகன சோதனை நடத்தப்பட்டது.மொத்தம், 3,875 பேரை நிறுத்தி சோதனையிட்டதில், 2,543 பேர் ஹெல்ெமட் அணிந்து வாகனம் ஓட்டினர். 1,282 பேர் ஹெல்ெமட் அணியாமல் சென்றனர். இவர்களில், 937 பேர் மீது வழக்கு பதிவு செய்யப்பட்டது. 345 பேர் எச்சரித்து அனுப்பி வைக்கப்பட்டனர்.

நுாதன தண்டனை

சாய்பாபா காலனி, மேட்டுப்பாளையம் ரோடு, நவ இந்தியா சிக்னலில் நடந்த விழிப்புணர்வு நிகழ்ச்சியில், மாநகர போலீஸ் கமிஷனர் பாலகிருஷ்ணன் பங்கேற்றார்.

சாலைகளில் சென்ற வாகனங்களை போலீசாருடன் இணைந்து கண்காணித்த அவர், ஹெல்ெமட் அணியாமல் சென்றவர்களை தடுத்து நிறுத்தி, விழிப்புணர்வு முகாமிற்கு அழைத்து சென்றார்.

'ஹெல்ெமட் அணிந்து வாகனம் ஓட்டுவேன்' என்று அவர்களை உறுதி மொழி எடுக்க வைத்து விழிப்புணர்வு ஏற்படுத்தினார்.

• 1.ஆசிரியர்களுக்கு விழுகிறது அடி: பாடம் எடுக்க வேண்டியது யாருக்கு?
• 2.பதிவுத்துறை கட்டணங்களில் மாற்றம்: தமிழக மக்களுக்கு ஏமாற்றம்!
• 3.பின்னலாடை உற்பத்தி டிஜிட்டல் மயமாக வேண்டும்!
• 4. வங்கி பெண் மேலாளரிடம் ரூ.19.50 லட்சம் மோசடி
• 5. 210 ஏக்கர் கோவில் நிலங்கள் அளவீடு
• 6. கிராமங்களில் புகுந்த யானைக் கூட்டம் நுாற்றுக்கணக்கான தென்னை மரங்கள்  சேதம்
• 7. வெளிநாட்டு மாணவர்கள் பதிவு செய்வது அவசியம்
• 8. 210 ஏக்கர் கோவில் நிலங்கள் மீட்பு டிஜிட்டல் முறையில் அளந்து கற்கள் பதிப்பு
• 9. வங்கி பெண் மேலாளரிடம் ரூ.19.50 லட்சம் மோசடி
• 10. 'பின்னலாடை உற்பத்தி டிஜிட்டல் மயமாக வேண்டும்' 'இந்தியா இன்டர்நேஷனல் நிட்பேர்' கண்காட்சியில் வலியுறுத்தல்