Dinamalar

ஈரோடு கிழக்கு தொகுதி இடைத்தேர்தலில் ஓட்டுச்சாவடி மையம் அமைவிட மாற்றம் குறித்து, அங்கீகரிக்கப்பட்ட அரசியல் கட்சி பிரதிநிதிகளுடனான கூட்டம் நேற்று நடந்தது. இதில் கலெக்டர் கிருஷ்ணனுண்ணி பேசியதாவது:
இடைத்தேர்தலுக்கு தற்போது, 238 ஓட்டுச்சாவடிகள் உள்ளன. இதில், 11 ஓட்டுச்சாவடிகள் மாற்றப்பட்டு, வாக்காளர்கள் எளிதில் ஓட்டுப்பதிவு செய்ய முடிவு செய்யப்பட்டுள்ளது.இதன்படி மாசிமலை ரங்கசாமி கவுண்டர் அரசு பெண்கள் மேல்நிலைப்பள்ளி, வீரப்பன்சத்திரம் ஓட்டுச்சாவடியை மாற்றி, அங்குள்ள மாநகராட்சி ஆரம்ப பள்ளி மேற்கு பார்த்த தார்சு கட்டடத்தின் தெற்கு புற ஓட்டுச்சாவடிக்கு மாற்றப்படுகிறது. விநாயகா வித்யாபவன் மழலையர் பள்ளி, ஆரம்ப பள்ளி, ஈரோடு மாநகராட்சி பழைய மண்டலம்-1 அலுவலகம், வீரப்பன்சத்திரம் தெற்கு பார்த்த கட்டடத்தின் பின்புறம் அமைத்துள்ள தார்சு கட்டடத்தின் மேற்கு பார்த்த அறைக்கு மாற்றப்படுகிறது.
கருங்கல்பாளையம் 'தி டிவைன் மழலையர் மற்றும் ஆரம்ப பள்ளி' மேற்கு பார்த்த சிமென்ட் சீட்டால் வேயப்பட்ட கட்டடத்தின் தெற்கு பகுதியின், 3வது அறையில் அமைந்திருந்த ஓட்டுச்சாவடி, கருங்கல்பாளையம் பெரிய மாரியம்மன் கோவில் வீதி, ஈரோடு மாநகராட்சி ஆரம்ப பள்ளியின் வடக்கு பார்த்த சிமென்ட் சீட்டால் வேயப்பட்ட கட்டடத்தின் கிழக்கில் அமைந்துள்ள, 2ம் அறைக்கு மாற்றப்படுகிறது.

மாநகராட்சி காமராஜர் மேல்நிலை பள்ளி மேற்கு பார்த்த தார்சு கட்டடத்தின் அறை எண் 1ல் அமைந்துள்ள ஓட்டுச்சாவடி, ராஜாஜிபுரம் மாநகராட்சி ஆரம்ப பள்ளியில் அமைந்துள்ள தெற்கு பார்த்த தார்சு கட்டடத்தின் நடுவில் உள்ள அறைக்கு மாற்றப்பட்டுள்ளது.
ஈரோடு வாசுகி வீதி தமயந்தி பாபுசேட் நகராட்சி திருமண மண்டபத்தின் பிரதான கட்டடத்தின் தெற்கு பகுதி ஓட்டுச்சாவடி, ஈரோடு மீனாட்சிசுந்தரனார் சாலை, செங்குந்தர் ஆரம்ப பள்ளியின் வடக்கு பார்த்த தார்சு கட்டடத்தின் வகுப்பு அறை-1-ஏ-க்கு மாற்றப்படுகிறது.தமயந்தி பாபுசேட் மண்டப கிழக்கு பகுதி ஓட்டுச்சாவடி, செங்குந்தர் ஆரம்ப பள்ளியின் வடக்கு பார்த்த தார்சு கட்டடம் வகுப்பறை-4-ஏ-க்கு மாற்றப்படுகிறது. மண்டபத்தின் வடக்கு பகுதி ஓட்டுச்சாவடி, லலிதா கல்வி நிலையம் நடுநிலை பள்ளி கிழக்கு பார்த்த தார்சு கட்டட வகுப்பறை-1-ஏக்கு மாற்றப்படுகிறது.
காந்திஜி சாலை அரசு மேல்நிலை பள்ளியில் மேற்கு பார்த்த புதிய தார்சு கட்டடம் வடக்கு பார்த்த அறை ஓட்டுச்சாவடி, பூந்துறை சாலை செயின்ட் மேரீஸ் உயர்நிலை பள்ளி வடக்கு பார்த்த தார்சு கட்டடத்தின் நடுவில் உள்ள அறைக்கு மாற்றப்படுகிறது.பாலு சுப்பராயலு வீதி ரயில்வே காலனி மாநகராட்சி நடுநிலை பள்ளியின் மேற்கு பார்த்த தார்சு கட்டட தெற்கு பகுதி அறை எண்-1 ஓட்டுச்சாவடி, ஸ்டோனி பிரிட்ஜ் ஆதிதிராவிடர் மாணவர் விடுதி வடக்கு பார்த்த தார்சு கட்டட மேற்கு பகுதிக்கும், விடுதியின் வடக்கு பார்த்த சிமென்ட் சீட்டால் வேயப்பட்ட குழந்தைகள் வளர்ச்சி திட்ட அலுவலக கட்டடத்துக்கும் மாற்றப்படுகிறது.
பழைய ரயில்வே சாலை, சி.இ.ஓ., அலுவலக தெற்கு பார்த்த சிமென்ட் சீட் கட்டட மேற்கு பகுதி ஓட்டுச்சாவடி, அங்குள்ள சி.எஸ்.ஐ., ஆரம்ப பள்ளி மேற்கு பார்த்த ஓட்டு கட்டடத்தின் தெற்கு பகுதி அறைக்கு மாற்றப்படுகிறது. இவ்வாறு அவர் பேசினார்.

வருங்காலத்தை ஆளப்போகும் தொழில்நுட்பங்கள் எவை?
தினமலர் வழிகாட்டி 2023 - அனுமதி இலவசம்