Dinamalar

திருப்பூர்:வடமாநில தொழிலாளர்கள், தமிழக தொழிலாளர்களை விரட்டி தாக்கியதாக, சமூக வலைதளங்களில் வைரலான வீடியோவை, யார் அனுப்பியது என, 'சைபர் கிரைம்' போலீசார் விசாரித்து வருகின்றனர்.

திருப்பூர், அனுப்பர்பாளையம், திலகர் நகரில் உள்ள பனியன் நிறுவனம் ஒன்றில், நுாற்றுக்கும் மேற்பட்ட வடமாநிலத்தினர் தங்கி பணிபுரிகின்றனர். சிலநாட்களுக்கு முன், 'தமிழர்களை வடமாநிலத்தினர் அடித்து விரட்டுகின்றனர்' என்பது போன்ற வகையில் வீடியோ வைரலானது.

கடந்த, 14ம் தேதி, வட மாநில தொழிலாளி ஒருவர் டீ குடிக்க சென்ற போது, இருதரப்புக்கு தற்செயலாக ஏற்பட்ட பிரச்னையில், எடுக்கப்பட்ட வீடியோவை தற்போது நடந்தது போல் சித்தரித்து தவறாக பகிரப்பட்டு வருவது என, போலீசாரின் விசாரணையில் தெரியவந்தது.

இருதரப்பு மோதல் தொடர்பாக, வேலம்பாளையம் போலீசார் விசாரிக்கின்றனர். அதில், ஐந்து பேர் அடையாளம் காணப்பட்டுள்ளதால், அவர்களை அழைத்து விசாரிக்க உள்ளனர். இதற்கிடையில், வீடியோவை யார் எடுத்தனர், இதை பகிர்ந்து பதட்டத்தை உருவாக்கியவர்கள் குறித்து கண்டறிய, மாநகர 'சைபர் கிரைம்' போலீஸ் தனிப்படை அமைத்து விசாரித்து வருகின்றனர்.

திருப்பூர் போலீஸ் கமிஷனர் பிரவீன்குமார் அபினபு கூறியதாவது:

அனுப்பர்பாளையத்தில் நடந்த சம்பவம் தொடர்பாக, தீவிரமாக விசாரணை நடந்து வருகிறது. தற்போது, எந்தவித பிரச்னையுமில்லை. வீடியோவை யார் எடுத்தார், அதை பகிர்ந்தவர்கள் யார் என்பது என, சைபர் கிரைம் போலீசார் விசாரித்து வருகின்றனர்.

இவ்வாறு, அவர் கூறினார்.

• 1.மாநகராட்சி தற்காலிக பணியாளருக்கு கத்திகுத்து
• 2.மாநகராட்சி தற்காலிக பணியாளருக்கு கத்தி குத்து
• 3.செக்யூரிட்டிகளை 'செக்' பண்ணுங்க: குறைவான ஊதியத்தில் தகுதியற்ற காவலர்கள்!
• 4.பி.எச்டி., மாணவருக்கு பாலியல் தொந்தரவு: கல்லூரி பேராசிரியர் சஸ்பெண்ட்
• 5.ஒரு கோடி பயணியரை கையாண்ட கோவை சந்திப்பு!
• 6. அரசு வேலை வாங்கி தருவதாக ரூ. 24 லட்சம் மோசடி : பெண் கைது
• 7. அனைத்து ஊராட்சிகளிலும் 'இ - கிராம சேவை' மையம்
• 8.ஒரு கோடி பயணியரை கையாண்ட கோவை சந்திப்பு! ஸ்டேஷன் மேம்பாட்டுக்கு தேர்வு செய்யாததால் வேதனை 
• 9. ஊட்டி பூங்கா ஊழியர் போராட்டம் அ.தி.மு.க., - தோடர் சங்கம் ஆதரவு
• 10.நீலகிரியில் தொடர் வறட்சி தேயிலை மகசூல் பாதிப்பு