Dinamalar

செங்கல்பட்டு, செங்கல்பட்டு, காஞ்சிபுரம் சாலையில், அரசு அலுவலகங்கள் மற்றும் தனியார் மருத்துவமனைகள் மற்றும் பள்ளிகள், வணிக வளாகம் உள்ளிட்ட பல்வேறு கடைகள் உள்ளன. இந்த சாலையில், போக்குவரத்து அதிகமாக செல்லும் பகுதியாக உள்ளது.

இந்நிலையில், காஞ்சிபுரம் சாலையில், காவலர் குடியிப்பு அருகாமையில், சிறுபாலம் கட்ட, 20 லட்சம் ரூபாய் அரசு நிதி ஒதுக்கீடு செய்து, நெடுஞ்சாலைத் துறைக்கு உத்தரவிட்டது.

அதன்பின், பாலப் பணிக்கு 'டெண்டர்' விடப்பட்டது. இதையடுத்து, தனியார் ஒப்பந்ததாரரால் டெண்டர் எடுக்கப்பட்டு, சில தினங்களுக்கு முன், பணிகள் துவங்கி நடைபெற்று வருகிறது.

இந்த பகுதியில், சிறுபாலப் பணி நடைபெறுவது குறித்து, அறிவிப்பு பலகை வைக்கப்படவில்லை.

இதனால், இரவு நேரங்களில் வாகனங்களில் செல்பவர்கள், பாலப் பணி நடக்கும் பகுதியில் விழுந்து விபத்துகளில் சிக்குகின்றனர்.

இப்பகுதியில், பெரிய விபத்துக்கள் ஏற்படுவதற்குள், அறிவிப்பு பலகை மற்றும் மின் விளக்கு அமைக்க வேண்டும் என, வாகன ஓட்டிகள், பொதுமக்கள் வலியுறுத்தி வருகின்றனர்.

இதுகுறித்து, நெடுஞ்சாலைத் துறை அதிகாரி ஒருவர் கூறியதாவது:

செங்கல்பட்டு, காஞ்சிபுரம் சாலையில், சிறுபாலப் பணி 20 லட்சம் ரூபாய் மதிப்பில் நடைபெற்று வருகிறது. இப்பணிகள், ஒரு மாத காலத்திற்கு முடித்து, பொதுமக்கள் பயன்பாட்டிற்கு கொண்டு வரப்படும்.

இவ்வாறு. அவர், தெரிவித்தார்.

• 1. சொத்து வரி நிலுவையில் 20 சதவீதம்... தள்ளுபடி! ஒரு முறை சிறப்பு நிகழ்வாக சலுகை திட்டம் 'மொபைல் போன்' கோபுரங்களுக்கு புதிய வரி
• 2. ஒலிம்பியாட் தேர்வு 'ஸ்ரீ சைதன்யா' சாதனை
• 3. விலை உயர்ந்த மொபைல் போனை ஒப்படைத்த துாய்மை பணியாளர்
• 4. பெண் போலீசாருக்கு வளைகாப்பு
• 5. அடுத்தடுத்து வாகனங்கள் மோதி பெண் உட்பட எட்டு பேர் காயம்
• 6. போலீசாருக்கு அடி, உதை சகோதரர்கள் இருவர் கைது
• 7. 'லிப்ட்' கொடுத்தவரிடம் நகை, டூ-வீலர் 'ஆட்டை'
• 8. போதையில் பஸ் ஓட்டிய ஓட்டுனருக்கு அபராதம்
• 9. 5 மாதத்திற்கு பின் நடந்த மண்டல குழு கூட்டம் தி.மு.க., கவுன்சிலர்கள் உட்பட 7 பேர் புறக்கணிப்பு
• 10. சீரமைக்கப்படாத நன்னீர் குளம்: ஆக்கிரமிப்பு செய்ய திட்டமா?