Dinamalar

காய்கறி மார்க்கட் பகுதியில் கம்பெனி குறிப்பிட்ட அளவில் கடைகள் வழங்கியது.
அதில் காய்கறி, பழம் உள்பட பல்வேறு கடைகள் வைத்துள்ளனர்.

அவர்கள் கம்பெனி நிர்ணயித்து வழங்கிய அளவைவிட நடைபாதையை ஆக்கிரமித்து கடைகள் வைத்துள்ளனர்.

அதனால் பொதுமக்கள் நடந்து செல்ல இயலாத நிலை ஏற்பட்டதால் கம்பெனி நிர்வாகத்தினர், போலீசார் ஆகியோர் மார்க்கெட் வர்த்தகர்களுடன் கடந்த மாதம் பேச்சுவார்த்தை நடத்தினர்.
அதில் பொங்கல் பண்டிகைக்கு பிறகு ஆக்கிரமிப்புகளை தாமாக அகற்றிக் கொள்வதாக வர்த்தகர்கள் உறுதியளித்தனர்.

பொங்கல் பண்டிகை முடிந்து இரு வாரங்கள் ஆகியும் ஆக்கிரமிப்புகள் அகற்ற வில்லை என்பதால் அவற்றை அதிகாரிகள் அகற்ற கோரிக்கை எழுந்துள்ளது.