Dinamalar

ராமேஸ்வரம்:ராமேஸ்வரம் கடலில் நேற்று 43 லட்சம் இறால் குஞ்சுகளை மத்திய மீன் ஆராய்ச்சி நிலைய விஞ்ஞானிகள் விட்டனர். இதுவரை மொத்தம் 4.40 கோடி எண்ணிக்கையில் விடப்பட்டுள்ளன.

இலங்கை கடற்படை தாக்குதலில் இருந்து தமிழக மீனவர்கள் பாதுகாத்திடும் வகையில் மத்திய மீன்வள அமைச்சகம் நிதி ஒதுக்குகிறது. இத்திட்டத்தில் ராமேஸ்வரம் அருகே மண்டபம் கடல் மீன் ஆராய்ச்சி நிலையத்தில் ஏற்றுமதிக்கு உகந்த பச்சை வரி இறால் குஞ்சுகள் வளர்த்து மன்னார் வளைகுடா, பாக். ஜலசந்தி கடலில் விடுகின்றனர்.

அதன்படி ராமேஸ்வரம் அருகே பாம்பன் குந்துகால் கடல் பகுதியில் 43 லட்சம் இறால் குஞ்சுகளை மத்திய கடல் மீன் ஆராய்ச்சி நிலைய தலைமை விஞ்ஞானி தமிழ்மணி தலைமையில் படகில் கொண்டு சென்று விட்டனர்.

இம்மீன் குஞ்சுகள் இரு மாதத்தில் 100 கிராம் எடையில் வளர்ந்ததும் மீனவர் வலையில் சிக்க வாய்ப்பு உள்ளது. இது ஏற்றுமதியாகும் என்பதால் மீனவர்களுக்கு அதிக வருவாய் கிடைக்கும்.

இதன் மூலம் அவர்கள் எல்லை தாண்டி மீன் பிடிப்பது குறையும். இத்திட்டம் 2020 பிப்ரவரியில் துவங்கியது முதல் இரு ஆண்டுகளில் மொத்தம் 4 கோடி 40 லட்சத்து 40 ஆயிரம் இறால் குஞ்சுகள் கடலில் விடப்பட்டுள்ளன என தெரிவிக்கப்பட்டது.

இந்நிகழ்ச்சியில் ராமேஸ்வரம் மீன்துறை உதவி இயக்குனர் அப்துல் காதர் ஜெய்லானி, மூத்த விஞ்ஞானி ஜான்சன் கலந்து கொண்டனர்.

• 1.ஆண்டாள் கோவிலில் கவர்னர் சுவாமி தரிசனம்
• 2. கைவிடப்பட்ட கண்மாய், வாய்க்கால்களை பராமரிக்க நிதி தேவை; *வாய்க்கால்கள் அழிக்கப்பட்டால் மழை,வெள்ளம் சேதம் ஏற்படுத்தும்
• 3. ஈமு கோழி நிறுவன மோசடி 2 பேருக்கு தண்டனை
• 4. டாக்டரை கேளுங்கள் பகுதி
• 5. கோடையின் தாக்கத்தை வெல்வது எப்படி
• 6. மீனாட்சி கோயில், ராமேஸ்வரம் கோயிலுக்கு மீண்டும் இணைகமிஷனர் அந்தஸ்தில் அதிகாரி 10 மாதத்தில் ஹிந்து அறநிலையத்துறை நிலைப்பாட்டில் மாற்றம்
• 7. சிலவரி அரசியல்...
• 8. என்ன படிக்கலாம், எங்கு படிக்கலாம் தினமலர் வழிகாட்டி நிகழ்ச்சி ஏப்.8ல் மதுரையில் துவக்கம்
• 9. வாடகைத் தாய் குழந்தை பெற சான்றளிக்க மாவட்ட மருத்துவ வாரியம் தேவை உயர்நீதிமன்றம் உத்தரவு
• 10. பெண்ணினமே…. எழுந்து வாருங்கள்! ஷர்மிளாதேவி, திவ்யா, பிரேமலதா, மதுமிதாவின் கதை கேளுங்கள்