Dinamalar

திருப்பூர்;ஆறாவது முறையாக கோவை - சேலம் பாசஞ்சர் ரயில் ரத்து அறிவிப்பு நேற்று வெளியிடப்பட்டது. தொடர்ந்து, இந்த ரயிலே ரத்து செய்யப்பட்டு வருவதால், தெற்கு ரயில்வே மீது பயணிகள் அதிருப்தி அடைந்துள்ளனர்.

கொரோனா பரவலின் போது, கோவை - சேலம் பாசஞ்சர் ரயில் இயக்கம் நிறுத்தப்பட்டது; இரண்டரை ஆண்டுகளுக்கு பின், 2022 ஜூலை, 11 ல் பாசஞ்சர் இயங்க ஒப்புதல் வழங்கப்பட்டது. மூன்று நாள் மட்டுமே ரயில் இயங்கிய நிலையில், ஜூலை, 14 முதல், 24 வரை பத்து நாட்களுக்கு காவேரி - ஆனங்கூர் இடையே நடந்த பராமரிப்பு பணியால், ரயில் இயக்கம் ரத்து செய்யப்பட்டது.

அதன்பின், தொடர்ந்து ஆறாவது முறையாக, ரயில் ரத்து என்ற அறவிப்பு வெளியிடப்பட்டுள்ளது. இது குறித்து, சேலம் கோட்டம் வெளியிட்ட அறிவிப்பில், 'இருகூர் - சூலுார் இடையே பொறியியல் மேலாண்மை பணி நடப்பதால், பிப்., 1ம் தேதி முதல் பிப்., 28ம் தேதி வரை, 28 நாட்களுக்கு, கோவை - சேலம், சேலம் - கோவை ரயில் இரு மார்க்கத்திலும் ரத்து செய்யப்படுகிறது,' என கூறப்பட்டுள்ளது.

பொறியியல் மேம்பாடு, தண்டவாள பராமரிப்பு பணியை காரணம் காட்டி, ஐந்து மாதங்களாக பாசஞ்சர் ரயில் இயங்காத நிலையில், ஆறாவது முறையாகவும், கோவை - சேலம்பாசஞ்சர் ரயிலே ரத்து செய்யப்படுவது கோவை, திருப்பூர், ஈரோடு, சேலம் உள்ளடக்கிய மேற்கு மண்டல ரயில் பயணிகளை அதிருப்தி அடைய செய்துள்ளது.

• 1.நீதியின் பால் வாழ்வது தான் வாழ்க்கை: உச்ச நீதிமன்ற நீதிபதி சுந்தரேஷ் பேச்சு
• 2.பிளஸ் 2 முடிச்சாச்சு! அடுத்தது என்ன, எங்கே? வாங்க ' தினமலர் -வழிகாட்டி' நிகழ்ச்சிக்கு!
• 3.திருப்பூருக்கு வட மாநில தொழிலாளர் வருகை அதிகரிப்பு
• 4.தமிழ் புத்தாண்டை முன்னிட்டு சிறப்பு ரயில்கள் அறிவிப்பு
• 5. பிரதமர் முதுமலை வருகை? ஹெலிபேட் அமைக்க ஆய்வு
• 6. பன்னீர் பட்டர் மசாலா
• 7. எர்ணாகுளம் ரயில் கோவைக்கு வராது
• 8. பேரூர் பட்டீஸ்வரர் கோவிலில் திருக்கல்யாண உற்சவம்
• 9. உதவாத காப்பீடு விதிமுறை வாழை விவசாயிகள் கண்ணீர்
• 10. பேனர் வைப்பதில் தி.மு.க.,வினர் 'மோதல்'