Dinamalar

மாவட்ட விவசாயிகள் குறைகேட்பு கூட்டத்தில் தமிழ்நாடு விவசாயிகள் சங்க பிரதிநிதி மதுசூதனன் பேசியதாவது:

திருப்பூர் மாவட்டத்தில் கால்நடைகளுக்கு அம்மை நோய் தடுப்பூசி போதுமான அளவு செலுத்தப்படவில்லை. மாடுகள் இறப்பால் விவசாயிகளுக்கு பாதிப்பு ஏற்படுகிறது.

நோய் பாதித்த கால்நடைகளுக்கு சுக்கு, மிளகு கொடுக்க வாட்ஸ் ஆப்-ல் கால்நடை அதிகாரிகள் பரிந்துரைகளை அனுப்புகின்றனர். அம்மை பாதித்த மாடுகள் தீவனம் எடுப்பதில்லை; உடலில் புண்கள் உள்ளன.

எனவே, சுக்கு, மிளகு கொடுப்பது பாதிப்பை அதிகரிக்கவே செய்கிறது. அம்மை, கோமாரி நோய் தடுப்பு நடவடிக்கைகளில் தீவிரம்காட்டவேண்டும்.
இவ்வாறு அவர் பேசினார்.