Dinamalar

நாமக்கல்: நாமக்கல்லில், ஆண்கள் மற்றும் பெண்களுக்கான மாநில அளவிலான கூடைப்பந்து போட்டி, இன்று துவங்கி, ஐந்து நாள் நடக்கிறது.
நாமக்கல் மாவட்ட கூடைப்பந்து கழகம் மற்றும் திருச்செங்கோடு, பி.ஆர்.டி., ஸ்போர்ட்ஸ் சங்கம் சார்பில், 23வது மாநில அளவிலான கூடைப்பந்து போட்டி, நாமக்கல் தெற்கு அரசு ஆண்கள் மேல்நிலைப்பள்ளியில் இன்று துவங்குகிறது. போட்டிகள், பகல் மற்றும் இரவு மின்னொளியில், நாக் அவுட் முறையிலும், தொடர்ந்து லீக் முறையிலும் நடக்கிறது.

ஆண்கள் கூடைப்பந்து பிரிவில், 24 அணிகளும், பெண்கள் பிரிவில், 11 அணிகளும் என மொத்தம், 36 அணிகள் கலந்துகொள்கின்றன. இன்று மாலை, 6:00 மணிக்கு துவங்கும் துவக்க விழாவுக்கு, திருச்செங்கோடு பி.ஆர்.டி., குரூப்ஸ் சேர்மன் பரந்தாமன், மாநில கூடைப்பந்து கழக செயலாளர் அஜீஸ் அகமத் ஆகியோர் தலைமை வக்கின்றனர். நாமக்கல் கலெக்டர் ஸ்ரேயாசிங், எஸ்.பி., கலைச்செல்வன் ஆகியோர் போட்டியை துவக்கி வைக்கின்றனர்.
போட்டிகளில் வெற்றிபெறும் ஆண்கள் மற்றும் பெண்கள் அணிகளுக்கு தனித்தனியாக, முதல் பரிசு, 60 ஆயிரம், 2ம் பரிசு, 50 ஆயிரம், 3ம் பரிசு, 40 ஆயிரம், 4ம் பரிசு, 30 ஆயிரம் ரூபாய் மற்றும் சிறந்த ஆட்டக்காரருக்கு, 5,000 ரூபாய் பரிசு வழங்கப்படும்.
ஏற்பாடுகளை நாமக்கல் கூடைப்பந்து கழக தலைவர் நடராஜன், திருச்செங்கோடு பி.ஆர்.டி., ஸ்போர்ட்ஸ் சங்க சேர்மன் பரந்தாமன், கூடைப்பந்து கழக சேர்மன் பாண்டியராஜன், செயலாளர் முரளி உள்ளிட்டோர் செய்துள்ளனர்.

• 1. தர்மபுரி திறந்தவெளி கிடங்கில் 7000 டன் நெல் மூடை மாயம்
• 2. தேனீ வளர்க்க 10 நாள் இலவச பயிற்சி ஜூன் 7க்குள் விண்ணப்பிக்க அழைப்பு
• 3. தனியார் பள்ளி வாகனங்கள் ஆய்வு
• 4.வரட்டாறு தடுப்பணை இடதுபுற வாய்க்காலை நீட்டிக்க கோரிக்கை
• 5. சத்துணவு ஊழியர் சங்கத்தினர் பெருந்திரள் முறையீடு ஆர்ப்பாட்டம்
• 6. சென்னைக்கு தொழிலாளர்கள் நடைபயணம் : ஓசூர் சப் கலெக்டர் பேச்சுவார்த்தை
• 7. விபத்து, நீரில் மூழ்கி இறந்தவர்களின் வாரிசுகளுக்கு ரூ.20.10 லட்சம் நிதியுதவி
• 8.தன்னார்வ தொண்டு, சமூக சேவை 3 மாத சான்றிதழ் படிப்பு துவக்கம்
• 9. 'சாராய உயிர்பலிகளுக்கு பொறுப்பேற்று ஸ்டாலின் பதவி விலக வேண்டும்'
• 10. அதியமான் மகளிர் கல்லூரி மாணவியரின் புத்தாக்க படைப்பு மாநில அளவில் தேர்வு