Dinamalar

கரூர்: கரூர் அருகே, ஜல்லிக்கற்கள் கொட்டப்பட்டதோடு சாலை பணி கிடப்பில் போடப்பட்டதால், அப்பகுதி மக்கள் கடும் அவதிக்குள்ளாகி வருகின்றனர்.
கரூர், தான்தோன்றிமலை பஞ்சாயத்து யூனியன், ஆண்டாங்கோவில் மேற்கு பஞ்சாயத்து, மருத்துவ நகரில், 500க்கும் மேற்பட்ட வீடுகள், அரசு தொடக்கப்பள்ளி ஆகியவை உள்ளன. அப்பகுதியில், பல ஆண்டுகளாக மண் சாலை இருந்தது. இதனால், தார் சாலை அமைக்க பொதுமக்கள் கோரிக்கை விடுத்திருந்தனர்.

இந்நிலையில், மருத்துவ நகரில் சில மாதங்களுக்கு முன், புதிதாக தார் சாலை அமைக்க, சிமென்ட் கலவையுடன், ஜல்லிக்கற்கள் கொட்டப்பட்டன. ஆனால், அதன் பிறகு தார் ஊற்றி பணிகளை நிறைவு செய்யாமல் கிடப்பில் போட்டுவிட்டனர்.
இதற்கிடையே, அவ்வப்போது பெய்த மழை காரணமாக, சிமென்ட் கலவை பெரும்பாலும் கரைந்து, ஜல்லிக்கற்கள் சிதறி கிடக்கின்றன. இதனால், அந்த வழியாக பொதுமக்கள் நடந்து கூட, செல்ல முடியாமல் பெரும் அவதிப்படுகின்றனர்.
குறிப்பாக, டூவீலர்களின் டயர்கள் அடிக்கடி பஞ்சர் ஆகும் நிலை உள்ளது. எனவே, மருத்துவ நகரில் உடனடியாக தார் சாலை அமைக்க வேண்டும் என பொதுமக்கள் பெரிதும் எதிர்பார்க்கின்றனர்.

• 1. அதிக அளவில் பாரம் ஏற்றி செல்லும் சரக்கு வாகனங்களால் ஆபத்து
• 2.புதுச்சேரியில் பாஜ நிர்வாகி கொலை: திருச்சி நீதிமன்றத்தில் 7 பேர் சரண்
• 3. க.பரமத்தியில் எஸ்.பி.ஐ., வங்கி கிளை அமைக்க வலியுறுத்தல்
• 4. 2 மணி நேரத்தில் முடிந்த சத்தியாகிரக போராட்டம் : கரூரில் காங்., கட்சி நிர்வாகிகள் ஓட்டம்
• 5. சூரியனூர் அருகே வாய்க்கால் பாலம் 60 ஆண்டுகளாக எதிர்பார்க்கும் மக்கள்
• 6.எண்ணெய்வித்து பயிர்கள் அறுவடை பணிக்கு நூறு நாள் திட்ட பணியாளர்களை பயன்படுத்த கோரிக்கை
• 7.செய்திகள் சில வரிகளில்... கரூர்
• 8. புகையிலை தடை விதிகளை மீறுவோர் மீது நடவடிக்கை: கலெக்டர் எச்சரிக்கை
• 9. நடுக்கரையில் புதிய பாலம் கட்ட விவசாயிகள் கோரிக்கை
• 10. தி.மு.க.,வில் 3 லட்சம் புதிய உறுப்பினர்கள்: அமைச்சர் செந்தில் பாலாஜி எதிர்பார்ப்பு