Dinamalar

திருநெல்வேலி மாநகராட்சிக்கு உட்பட்ட மேலப்பாளையம் மண்டல அலுவலகத்தில் குடிநீர் இணைப்பு, வரி விதிப்பு பணிகளில் லஞ்சம் தாண்டவமாடுகிறது. இது குறித்து அண்மையில் தி.மு.க. பிரமுகர் ஒருவரே மண்டல தலைவர் மீது குற்றம் சாட்டி வெளியான ஆடியோ வைரலானது.
தொடர்ந்து புகார்கள் வந்ததால் இன்று பகலில் மாநகராட்சி கமிஷனர் சிவகிருஷ்ணமூர்த்தி மேலப்பாளையம் மண்டல அலுவலகத்தில் திடீர் ஆய்வு மேற்கொண்டார். அப்போது இரண்டு வெளி கேட்களும் பூட்டப்பட்டு உள்ளே யாரும் அனுமதிக்கப்படவில்லை.
அதிகாரிகள், ஊழியர்கள் வருகை தந்த நேரம், அங்கு வேறு அலுவலகத்தைச் சேர்ந்தவர்கள் இருந்தது புரோக்கர்கள் உள்ளிட்ட பல்வேறு முறைகேடுகள் குறித்து ஆய்வு மேற்கொண்டார்.