Dinamalar

3

சென்னை மாநகராட்சியில், 866 இடங்களில், 7,471 கழிப்பறைகள் உள்ளன. இந்த கழிப்பறைகளை பொதுமக்கள் இலவசமாக பயன்படுத்திக் கொள்ளலாம்.ஆனால், உள்ளூர் அரசியல்வாதிகள் கழிப்பறைகளை ஆக்கிரமித்து, மாதத்திற்கு 5 லட்சம் ரூபாய்க்கு மேல் கட்டணமாக வசூலித்தனர்.

அவ்வப்போது, மாநகராட்சி சார்பில் கழிப்பறைகளை ஆக்கிரமித்துள்ளவர்கள் மீது, போலீசில் புகார் அளிக்கப்பட்டு, நடவடிக்கை எடுக்கப்பட்டு வருகிறது.

இந்நிலையில், மிகவும் பழுதடைந்த மற்றும் அசுத்தமடைந்த கழிப்பறைகளை இடித்துவிட்டு, புதிய கழிப்பறைகள் அமைக்கும் பணியை, மாநகராட்சி மேற்கொண்டு வருகிறது.
மேலும், அ.தி.மு.க., ஆட்சிக் காலத்தில் ஏற்படுத்தப்பட்டு பயனற்றுப் போன 'இ - ழிப்பறை'களையும், மீண்டும் சீர்படுத்தி பயன்படுத்தும் பணியையும், மாநகராட்சி மேற்கொண்டு வருகிறது.அந்த வகையில், 37 இ- கழிப்பறைகள் சீரமைக்கப்பட்டுள்ளன. மீதமுள்ள 107 இ - கழிப்பறைகளை சீரமைக்கும் பணிகள் நடந்து வருகின்றன.


இதைத்தவிர, சென்னையில் பேருந்து நிறுத்தங்கள், சந்தைப் பகுதிகள், மக்கள் நடமாட்டம் நிறைந்த பகுதிகள், குடிசைப் பகுதிகள் உள்ளிட்ட இடங்களில், புதிதாக 358 ஆண் - பெண் என, இருபாலர் பயன்படுத்தக்கூடிய நவீன கழிப்பறைகள் அமைக்கப்பட்டு உள்ளன.
மேலும், 1,000க்கும் மேற்பட்ட இடங்களில் கழிப்பறை வசதிகளை மாநகராட்சி ஏற்படுத்தியுள்ள நிலையில், திறந்தவெளி கழிப்பிடங்கள் இல்லாத பகுதியாக சென்னையை அறிவிக்க, மாநகராட்சி நடவடிக்கை எடுத்து வருகிறது.அந்த வகையில் பொது இடங்கள், நீர்நிலையோரங்களில் சிறுநீர், மலம் கழித்தால், 100 ரூபாய் அபராதம் விதிக்க மாநகராட்சி ஆலோசித்து வருகிறது.
இதுகுறித்து, சென்னை மாநகராட்சி அதிகாரிகள் கூறியதாவது:
சென்னையில் தனியார் பங்களிப்புடன், மாநகராட்சி கழிப்பறைகள் பராமரிக்கப்பட உள்ளன. மேலும், தேவையான இடங்களில், 24 மணி நேரமும் கழிப்பறைகள், துாய்மையான பராமரிப்பில் செயல்படும்.

அதேபோல், வேறு எந்தெந்த பகுதிகளுக்கு, எத்தனை கழிப்பறை தேவை என்ற விபரமும் சேகரிக்கப்பட்டு வருகிறது. அங்கெல்லாம், விரைவில் கழிப்பறை வசதி ஏற்படுத்தப்படும்.
எனவே, சிறுநீர் மற்றும் மலம் கழிக்க கழிப்பறைகளை மட்டுமே பொதுமக்கள் பயன்படுத்த வேண்டும். மீறி, பொது இடங்களில் இயற்கை உபாதைகளை கழித்தால், அவர்களுக்கு காவல் துறை அல்லது மாநகராட்சி பணியாளர்கள் வாயிலாக, 100 ரூபாய் அபராதம் விதிக்கும் நடைமுறை அமல்படுத்த திட்டமிட்டுள்ளோம்.
மேலும், சுகாதார துாதுவர்களாக நியமிக்கப்பட்டுள்ள பள்ளி ஆசிரியர்கள், மாணவர்கள் வாயிலாகவும் அபராதம் விதிக்கலாமா என ஆலோசித்து வருகிறோம்.
மாநகராட்சி கழிப்பறைகளுக்கு கட்டணம் கேட்டால், பொதுமக்கள் யாரும் கொடுக்க வேண்டாம்.

சம்பந்தப்பட்டவர்கள் மீதோ அல்லது குறிப்பிட்ட கழிப்பறையில் கட்டணம் வசூலிக்கப்படுகிறது என்றோ, சென்னை மாநகராட்சி மேயர் அல்லது கமிஷனருக்கு தபால் வாயிலாகவும், 1913 என்ற தொலைபேசி எண்ணிலும் புகார் அளிக்கலாம்.உடனடியாக சம்பந்தப்பட்ட கழிப்பறை மீட்கப்பட்டு, ஆக்கிரமித்தவர்கள் மீது போலீசில் வழக்குப்பதிவு செய்து, நடவடிக்கை எடுக்கப்படும். எனவே, மாநகராட்சி நடவடிக்கைகளுக்கு, பொதுமக்கள் ஒத்துழைப்பு தர வேண்டும்.இவ்வாறு அவர்கள் கூறினர். - நமது நிருபர் -

 

• 1. கள்ளத்தொடர்பு: முதியவர் கொலை
• 2. வார்டு அலுவலகம் கட்டும் பணி 'விர்ர்ர்'
• 3. திரிபுரசுந்தரி- கோவிலில் வரும் 27ல் கும்பாபிஷேகம்
• 4. வீடுகளுக்கு குழாய் வழி 'காஸ்' வினியோகம் : ஜூனில் சென்னையில் துவக்கம்
• 5.'போஸ்டர்' ஒட்டிய 805 பேர் மீது வழக்கு: குப்பை கொட்டுவோருக்கும் எச்சரிக்கை
• 6. கோயம்பேடில் விபத்து பட்டாபிராம் நபர் பலி
• 7. மாவட்டத்தில் நீர்நிலைகளில் ஆக்கிரமிப்புகளை அகற்ற வேண்டும் கிராம சபைகளில்   தீர்மானம்
• 8. வனப்பகுதி சாலையோரம் மருத்துவக் கழிவுகள்
• 9. தலைவர் இல்லாமல் நடந்த கிராம சபை கூட்டத்தை ரத்து செய்ய கோரி சலசலப்பு
• 10. செங்கை, கூடுவாஞ்சேரி ரயில் நிலையங்கள் மேம்பாடு ' அம்ரித் பாரத் ஸ்டேஷன் ' திட்டத்தில் ரூ.15 கோடி ஒதுக்கீடு