Dinamalar

பெரம்பலுார்:'தனியார் கட்டுமான நிறுவனம், வாடிக்கையாளருக்கு 5 லட்சம் ரூபாய் இழப்பீடு வழங்க வேண்டும்' என, அரியலுார் மாவட்ட நுகர்வோர் குறைதீர் ஆணையம் உத்தரவிட்டுள்ளது.

சென்னை, கொளத்துாரைச் சேர்ந்தவர் மனோகரன். கடந்த 2012ம் ஆண்டு, அவர், வண்டலுார் அருகே அடுக்கு மாடி குடியிருப்பில் வீடு வாங்க, தனியார் கட்டுமான நிறுவனத்திடம், 6.44 லட்சம் முன்பணம், தவணை முறையில் 22 லட்சம் ரூபாயும் செலுத்தினார்.

ஒப்பந்தப்படி, 2014 நவம்பர் மாத இறுதியில், கட்டி முடிக்கப்பட்ட வீடு மனோகரனுக்கு ஒப்படைக்க வேண்டும்.

ஆனால், தனியார் கட்டுமான நிறுவனம் வீட்டை கொடுக்காமல், கூடுதலாக 2.60 லட்சம் ரூபாய் செலுத்த வேண்டும் என கூறியது.

இதனால், அதிர்ச்சியடைந்த மனோகரன், 2017ல் சென்னை தெற்கு மாவட்ட நுகர்வோர் குறைதீர் ஆணையத்தில், கட்டுமான நிறுவனம் மீது வழக்கு தொடுத்தார்.

இந்த வழக்கு, கடந்த ஆண்டு ஜூலை மாதம் அரியலுார் மாவட்ட நுகர்வோர் குறைதீர் ஆணையத்துக்கு மாற்றப்பட்டது.

மனோகரன் இறந்து விட்டதால், அவரது மனைவி சுதா, 45, அந்த வழக்கை தொடர்ந்தார்.

விசாரித்த அரியலுார் மாவட்ட நுகர்வோர் குறைதீர் ஆணைய நீதிபதி ராமராஜ் தலைமையிலான அமர்வு, கட்டுமான நிறுவனம், நான்கு வாரத்துக்குள் சுதாவிடம் வீட்டையும், இழப்பீடாக ஐந்து லட்சம் ரூபாயையும் வழங்க வேண்டும் என உத்தரவிட்டது.

• 1. அதிக அளவில் பாரம் ஏற்றி செல்லும் சரக்கு வாகனங்களால் ஆபத்து
• 2.புதுச்சேரியில் பாஜ நிர்வாகி கொலை: திருச்சி நீதிமன்றத்தில் 7 பேர் சரண்
• 3. க.பரமத்தியில் எஸ்.பி.ஐ., வங்கி கிளை அமைக்க வலியுறுத்தல்
• 4. 2 மணி நேரத்தில் முடிந்த சத்தியாகிரக போராட்டம் : கரூரில் காங்., கட்சி நிர்வாகிகள் ஓட்டம்
• 5. சூரியனூர் அருகே வாய்க்கால் பாலம் 60 ஆண்டுகளாக எதிர்பார்க்கும் மக்கள்
• 6.எண்ணெய்வித்து பயிர்கள் அறுவடை பணிக்கு நூறு நாள் திட்ட பணியாளர்களை பயன்படுத்த கோரிக்கை
• 7.செய்திகள் சில வரிகளில்... கரூர்
• 8. புகையிலை தடை விதிகளை மீறுவோர் மீது நடவடிக்கை: கலெக்டர் எச்சரிக்கை
• 9. நடுக்கரையில் புதிய பாலம் கட்ட விவசாயிகள் கோரிக்கை
• 10. தி.மு.க.,வில் 3 லட்சம் புதிய உறுப்பினர்கள்: அமைச்சர் செந்தில் பாலாஜி எதிர்பார்ப்பு