Dinamalar

கோவை:தமிழகம், கேரளாவில் ஒரு லட்சம் பேரிடம் மோசடி செய்த நிதி நிறுவனம் மீது இதுவரை, 700 பேர் மட்டுமே புகார் அளித்துள்ளனர்.

கோவையை தலைமையிடமாக கொண்டு டிரீம் மேக்கர்ஸ் குளோபல் பிரைவேட் லிமிடெட் என்ற நிதி நிறுவனம் சில ஆண்டுக்கு முன் செயல்பட்டது. சாய்பாபா காலனியை சேர்ந்த சதீஷ் குமார், 42, அவரது மனைவி குணவதி, 39, ஆகியோர் இந்த நிறுவனத்தை, 2017ல் தொடங்கி நடத்தினர். அதிக வட்டி தருவது உள்ளிட்ட பொய்யான வாக்குறுதிகளை கூறி, தமிழகம், கேரளாவில் பல நுாறு கோடி ரூபாய் முதலீடுகளை பெற்றனர்.அவர்கள் கூறியதை நம்பி, இரு மாநிலங்களிலும் ஒரு லட்சம் பேர் பணம் டிபாசிட் செய்துள்ளனர். அதை பெற்றுக்கொண்ட நிதி நிறுவனத்தினர் உறுதி கூறியபடி வட்டி, அசல் தராமல் ஏமாற்றி விட்டனர். இது தொடர்பான புகார்களை விசாரித்த கோவை பொருளாதார குற்றப்பிரிவு போலீசார், மோசடி தம்பதியை, 2019ல் கைது செய்தனர். மோசடி நிறுவனத்தின் வங்கி கணக்குகளில் இருந்த, 75 கோடி ரூபாய் முடக்கி வைக்கப்பட்டது.

அசையா சொத்துக்களும் கண்டறியப்பட்டன. எனினும், பாதிக்கப்பட்ட முதலீட்டாளர்கள் பலரும் புகார் கொடுக்க முன்வரவில்லை. இதுவரை வெறும், 700 பேர் மட்டுமே புகார் கொடுத்துள்ளனர். இந்த நிறுவனத்தால் மதுரை, ராமநாதபுரம், துாத்துக்குடி, திருநெல்வேலி, கன்னியாகுமரி மாவட்டங்களை சேர்ந்தோர் அதிக எண்ணிக்கையில் பாதிக்கப்பட்டுள்ளனர்.

எங்களை அழைக்கலாம்!

'அவர்கள் உடனடியாக, கோவை பொருளாதார குற்றப்பிரிவை தொடர்பு கொண்டு புகார் தெரிவிக்கும் பட்சத்தில், பணம் திரும்ப கிடைப்பதற்கு உரிய நடவடிக்கை எடுக்கப்படும்' என்று போலீசார் தெரிவித்துள்ளனர். மேலும் விவரங்களுக்கு, 94981 72395, 94981 74462, 94981 15106 ஆகிய எண்களை தொடர்பு கொள்ளலாம் என்றும் கோவை பொருளாதார குற்றப்பிரிவு போலீசார் தெரிவித்துள்ளனர். இந்த மோசடி வழக்கில் குற்றம் சாட்டப்பட்ட சதீஷ் குமார், ஜாமினில் வெளிவந்த நிலையில், சில நாட்களுக்கு முன் தற்கொலை செய்து கொண்டது குறிப்பிடத்தக்கது.

• 1. அறுந்து விழுந்த மின் கம்பி: 3 விவசாயிகள் காயம்
• 2. 'அவுட்டு காய்' கடித்ததால் யானை இறப்பு மருத்துவ பரிசோதனை அறிக்கையில் 'பகீர்'
• 3. வரவேற்கும் ஜவுளித்துறை; வருத்தத்தில் சிறு, குறு நிறுவனங்கள்
• 4. மின் கட்டண குறைப்பு அமல் : விசைத்தறியாளர் வலியுறுத்தல்
• 5. உலகிற்கு கொள்கைகளை உருவாக்கும் இந்தியா : 'ஜி20' மாநாட்டின் தலைவர் பெருமிதம்
• 6. பட்ஜெட் கருத்து : சிறு, குறு தொழில் வளர்ச்சி பெறும்
• 7. 'பயன்தரும் மெட்ரோ ரயில் சேவை'
• 8.'கட்டுமானங்கள் செய்தால் பேராபத்தை சந்திப்போம்:' சத்குரு
• 9.தேர்வில் 'ஆப்சென்ட்' அதிகரிக்க காரணம் இதுதான்: சொல்கிறார்கள் தலைமையாசிரியர்கள்
• 10. திருப்பூர் அருகே ஓட்டல் சூறை: அ.தி.மு.க., நிர்வாகிகள் சரண்