Dinamalar

மதுரை:மதுரை தெற்குவாசலில், பட்டப்பகலில், காதல் மனைவியை குத்திக் கொலை செய்து தப்பிய கணவனை போலீசார் தேடி வருகின்றனர்.

மதுரை தெற்குவாசல், சப்பாணி கோவில் தெருவைச் சேர்ந்தவர் மீனாட்சிசுந்தரம். இவரது இளைய மகள் வர்ஷா, 19. நேற்று மதியம் வீட்டருகே உள்ள கடைக்கு சென்றார்.

அப்போது, 'ஹெல்மெட்' அணிந்து, 'டூ - வீலரில்' வந்த நபர், வர்ஷாவின் தலைமுடியை பிடித்து இழுத்து, கத்தியால் வாய்ப்பகுதி மற்றும் காலில் குத்திவிட்டு தப்பினார்.

ரத்த வெள்ளத்தில் சரிந்த அவரை, அருகில் உள்ளவர்கள் அரசு மருத்துவமனைக்கு கொண்டு சென்றனர். வழியில் வர்ஷா இறந்தார்.

முதற்கட்ட விசாரணையில், வர்ஷாவின் கணவர் பழனி, 28, இந்த கொலையை செய்தது தெரிந்தது. அவரது 'மொபைல் போன், சுவிட்ச் ஆப்' செய்யப்பட்டு உள்ளது. போலீசார் அவரை தேடி வருகின்றனர்.

கொலை குறித்து போலீசார் கூறியதாவது:

பழனி எம்.பி.ஏ., படித்த போது, வர்ஷாவின் அக்காவை ஒருதலையாக காதலித்து, 'டார்ச்சர்' கொடுத்துள்ளார்.

இது தொடர்பாக பழனி மீது, 2021ல் வழக்குப்பதிவு செய்யப்பட்டது.

அவரை பழிவாங்க நினைத்து, வர்ஷாவை பழனி காதலித்தார். அக்காவை காதலித்தவர் எனத் தெரிந்தும், அவரை வர்ஷா காதலித்தார்.

வெவ்வேறு சமூகத்தைச் சேர்ந்த இருவரும், கடந்த செப்டம்பரில் திண்டுக்கல்லில் உள்ள ஒரு கோவிலில் திருமணம் செய்து கொண்டனர்.

பின்னர், மதுரை நகர் மகளிர் போலீசாரிடம் தஞ்சம் அடைந்தனர். பெற்றோரும், போலீசாரும் அறிவுறுத்தியும், அதை பொருட்படுத்தாமல், வர்ஷா பழனியுடன் குடும்பம் நடத்தினார்.

பின், 40 நாட்களில் பழனியின் நடவடிக்கை பிடிக்காததால், தந்தை வீட்டிற்கு திரும்பினார்.

இதனால், மகளிர் போலீசில் பழனி புகார் செய்தார்.

போலீசார் சமரசம் செய்தனர். ஆனாலும், கணவரை பிரிந்து தந்தை வீட்டிலேயே வர்ஷா இருந்தார்.

இந்நிலையில், நேற்று கடைக்கு வந்தபோது வர்ஷா குத்திக்கொலை செய்யப்பட்டார்.

இவ்வாறு போலீசார் கூறினர்.

• 1. மனைவியின் காதலன் கொலை: கணவர் கைது
• 2. ' கொடை ' யில் குவிந்த சுற்றுலா பயணிகள்
• 3. திருச்சுழியில் ஆக்கிரமிப்பில் இருந்த வீட்டை இடிக்காமல் 20 அடி நகர்த்திய விவசாயி
• 4. கலை, கலாசாரம், பண்பாட்டை பரிமாறுவதே சங்கமம் நிகழ்வு குஜராத் அமைச்சர் பெருமிதம்
• 5. விஜயகரிசல் குளத்தில் இரண்டாம் கட்ட அகழாய்விற்கு 18 குழிகள் அளவீடு
• 6. காவிரி, வைகை, கிருதுமால், குண்டாறு இணைப்பில் தமிழக அரசு அநீதி: கூட்டமைப்பு குற்றச்சாட்டு
• 7. ரகசியமாக நிறுவப்பட்ட புத்தர் சிலை சீனா துாண்டுதல் என மீனவர்கள் 'பகீர்'
• 8. மனைவியின் காதலனை குத்தி கொலை செய்த கணவர் கைது
• 9. பெண் போலீசாரை பார்த்து பயந்து ஓடும் ரவுடிகள்
• 10. பேவர்பிளாக் ரோடுகள் அமைப்பதை விட குடிநீர், சுகாதார வசதிகளை சீரமையுங்கள்