Dinamalar

திண்டிவனம், : தமிழ்நாடு பார் கவுன்சில் நிர்வாகிகளை, அவதுாறாக பேசி சமூக வலைதளங்களில் பதிவிட்ட நபர் மீது நடவடிக்கை எடுக்கக்கோரி, திண்டிவனம் வழக்கறிஞர்கள் போலீசில் புகார் அளித்துள்ளனர்.

திண்டிவனம் அட்வகேட் அசோசியேஷன் தலைவர் வழக்கறிஞர் சேகர், மூத்த வழக்கறிஞர் விஜயன் ஆகியோர் தலைமையில் நேற்று சங்க நிர்வாகிகள், திண்டிவனம் போலீசில் நிலையத்தில் அளித்துள்ள ஒரு புகார் மனு:

சென்னை அம்பத்துார் பகுதியைச் சேர்ந்த சத்தியசீலன் என்பவர், மீது அம்பத்துார் போலீஸ் நிலையத்தில் குற்ற வழக்கு உள்ளது. இதை மறைத்து, அவர் கடந்த 2014ம் ஆண்டு தமிழ்நாடு மற்றும் புதுச்சேரி பார் கவுன்சிலில் வழக்கறிஞராக பதிவு செய்து கொண்டு வழக்கறிஞர் தொழில் செய்து வந்துள்ளார்.

அவர் மீது, கடந்த மாதம் 28ம் தேதி, தமிழ்நாடு பார் கவுன்சிலில் தீர்மானம் நிறைவேற்றி, வழக்கறிஞர் தொழில் செய்ய தடை விதிக்கப்பட்டுள்ளது.

இந்நிலையில் கடந்த மாதம் 29ம் தேதி சத்தியசீலன், வாட்ஸ் அப் குழுவில் பதிவு ஒன்றை வெளியிட்டுள்ளார்

அந்த பதிவில், தமிழ்நாடு பார் கவுன்சில் தலைவர் அமல்ராஜ், இணைத் தலைவர் மோகன கிருஷ்ணன், அகில இந்திய தமிழ்நாடு பார் கவுன்சில் துணைத் தலைவர் பிரபாகரன் ஆகியோருக்கு, கலங்கம் ஏற்படுத்தும் வகையிலும், மிரட்டும் தொனியில் ஒருமையில் பேசி சமூக வலைதளங்களில் பதிவிட்டுள்ளார்.

பார் அசோசியேஷன் நிர்வாகிகளை அவதுாறாக பேசிய அவர் மீது சட்டப்படி நடவடிக்கை எடுக்கும்படி கேட்டுக்கொள்கிறோம்.

இவ்வாறு அந்த புகார் மனுவில் கூறப்பட்டுள்ளது.

• 1. 'மாஜி' துணை தாசில்தாருக்கு தண்டனை தீர்ப்பை உறுதி செய்தது உயர் நீதிமன்றம்
• 2. தந்தை உடல் முன் திருமணம் செய்த மகன் கண்ணீர் மல்க ஆசி வழங்கிய உறவினர்கள்
• 3. எல்.ஐ.சி., முகவர் வீட்டில் நகை, பணம் திருட்டு
• 4. மாநகராட்சியில் லஞ்ச புகார் எதிரொலி கட்டுமான நிறுவனங்களின் உரிமம் ரத்து
• 5. என்.எல்.சி., அதிகாரிகள் முற்றுகை: விவசாயிகள் தீக்குளிக்க முயற்சி சேத்தியாத்தோப்பு அருகே பரபரப்பு
• 6. விருத்தாசலம் பகுதியில் திடீர் மழை: 50 ஆயிரம் நெல் மூட்டைகள் சேதம்
• 7. ரூ.85 கோடி மோசடி வழக்கு: மேலும் ஒருவர் கைது
• 8. விழுப்புரத்தில் ஆலங்கட்டி மழை
• 9. பைக்குகள் மோதல்: இளம்பெண் பலி
• 10. கணவர் உடலை மீட்டுத்தர கலெக்டரிடம் மனைவி மனு