Dinamalar

நெல்லிக்குப்பம், : நெல்லிக்குப்பத்தில் முகூர்த்த நேரத்தில் திருமணம் தடைபட்டதால் பரபரப்பு ஏற்பட்டது.

கடலுார் மாவட்டம், நெல்லிக்குப்பம் வஜீர்கான் தெருவை சேர்ந்தவருக்கும், புதுச்சேரியை சேர்ந்த பெண்ணுக்கும் திருமணம் செய்ய இரு தரப்பு பெற்றோர்களும் நிச்சயம் செய்தனர்.

நெல்லிக்குப்பம் தனியார் மண்டபத்தில் நேற்று திருமணம் நடக்க இருந்தது. இதற்கான ஏற்பாட்டினை மணமகன் வீட்டார் செய்திருந்தனர். நேற்று முன்தினம் திருமண வரவேற்பு நிகழ்ச்சி நடந்தது. இதில் உறவினர்கள் ஏராளமானோர் கலந்து கொண்டு மணமக்களை வாழ்த்தினர்.

இந்நிலையில் நேற்று காலை, முகூர்த்த நேரத்திற்கு சற்று முன், 'மணமகள் தன்னிடம் சரியாக பேசவில்லை' என மணமகன் புகார் கூறியுள்ளார்.

'திருமணம் நடந்தால் சரியாகிவிடும்' என மணமகள் தரப்பினர் சமாதானம் செய்தனர். ஆனால் அதை மணமகன் ஏற்கவில்லை. அதனால் இரு தரப்பினருக்கும் வாக்குவாதம் நடந்ததால் பதட்டம் நிலவியது.

'திருமணத்துக்கு முன்பே சந்தேகப்படும் நபருடன் திருமணம் செய்து நிம்மதியாக வாழமுடியாது' என மணமகள் கூறினார். அதையடுத்து, மணமகளின் பெற்றோர் திருமணத்தை நிறுத்திவிட்டு, பெண்ணை அழைத்துச் சென்றனர்.

முகூர்த்த நேரத்தில் திருமணம் நின்று போன சம்பவம், நெல்லிக்குப்பத்தில் பரபரப்பை ஏற்படுத்தியது.

• 1. விழுப்புரம் மாவட்டத்தில் வைக்கோல் வர்த்தகம் ' ஜோர் '; கிருஷ்ணகிரிக்கு 200 டன் அனுப்பி வைப்பு
• 2. திருத்துறையூர் கோவிலில் தினகரன் சாமி தரிசனம்
• 3. அண்ணாமலை பல்கலை மாணவர்களுக்கு வாய்ப்பு
• 4. ஊராட்சி துணைத் தலைவி மகன் கொலை வழக்கு; நான்கு பேரிடம் போலீசார் தீவிர விசாரணை
• 5. ரயில் முன் பாய்ந்து மெக்கானிக் தற்கொலை
• 6. மயிலம் முருகன் கோவிலில் இன்று பங்குனி உத்திர கொடியேற்றறம்
• 7. ஓட்டுக்காக வதந்தி பரப்புகின்றனர்: அமைச்சர் பன்னீர்செல்வம் காட்டம்
• 8. சிறுமி பாலியல் பலாத்காரம்; வாலிபர் 'போக்சோ'வில் கைது
• 9. பட்டா மாற்றத்திற்கு ரூ.10 ஆயிரம் லஞ்சம்; இடைத்தரகர் கைது: வி.ஏ.ஓ., 'எஸ்கேப்'
• 10. விபத்தில் சிக்கியோருக்கு உதவிய மயிலம் எம்.எல்.ஏ.,