Dinamalar

இதில் முன்னாள் அமைச்சர்கள் செங்கோட்டையன், முனுசாமி, தங்கமணி, வேலுமணி, செம்மலை, எம்.சி.சம்பத், அக்ரி கிருஷ்ணமூர்த்தி, கருப்பணன், ராமலிங்கம், தளவாய்சுந்தரம், உதயகுமார், வேட்பாளர் தென்னரசு உட்பட பலர் பங்கேற்றனர்.
கூட்டத்துக்கு பின் வெளியே வந்த முன்னாள் அமைச்சர் கே.பி.முனுசாமி கூறுகையில், ''நீதிமன்ற உத்தரவுப்படி, இரண்டு தலைமையும் தங்களது தொண்டர்களிடம் செல்ல அறிவுறுத்தி உள்ளது. இதன்படி தொண்டர்கள் தீர்ப்பு அளிக்க உள்ளனர். பழனிசாமி பக்கம்தான் அதிகமாக தொண்டர்கள் உள்ளனர். எனவே தர்மம் வெல்லும்,'' என்றார்.

முன்னாள் அமைச்சர் நத்தம் விசுவநாதன் கூறுகையில், ''அ.தி.மு.க.,வில் எந்த குழப்பமும் இல்லை. நீதிமன்ற உத்தரவுப்படி பொதுக்குழு உறுப்பினர்கள், வேட்பாளரை தேர்வு செய்ய வேண்டி உள்ளது. அ.தி.மு.க., வேட்பாளர் தென்னரசு மீண்டும் தேர்வு செய்யப்படுவார். அவரே வெற்றி பெறுவார். அதற்கான நடவடிக்கையில் ஈடுபட்டுள்ளோம்,'' என்றார்.
முன்னாள் அமைச்சர் தளவாய்சுந்தரம் கூறுகையில், ''தென்னரசு ஏற்கனவே வேட்பாளராக அறிவிக்கப்பட்டுள்ளார். பொதுக்குழு உறுப்பினர்களால் அவர் மீண்டும் ஏகமனதாக தேர்வு செய்யப்படுவார். நீதிமன்ற உத்தரவுப்படி, வேட்பாளரை தேர்வு செய்து, பொதுக்குழு உறுப்பினர்களிடம் கையெழுத்து பெற்று சமர்பிப்போம். பா.ஜ., எங்களுடன் கூட்டணிக்கு வந்தால் மகிழ்ச்சி அடைவோம். வராவிட்டாலும், மகிழ்ச்சிதான்,'' என்றார்.