Dinamalar

குன்றத்துார், குன்றத்துார் அடுத்த நத்தம், திருநீர்மலை செல்லும் சாலையில், ஸ்ரீதேவி காத்தியாயினி அம்மன் கோவில் அமைந்துள்ளது. இதன் வளாகத்தில், மந்தைவெளி அம்மன் மற்றும் கங்கை அம்மன் வீற்றிருந்து அருள்பாலிக்கின்றனர்.

நேற்று முன்தினம் இரவு, சுவாமி தரிசனம் முடிந்து கோவில் நடை சாத்தப்பட்டது. வழக்கம்போல் நேற்று காலை கோவில் துாய்மை பணிக்கு ரவி என்பவர் வந்தபோது, கோவில் உண்டியல் உடைக்கப்பட்டு காணிக்கை பணம் சிதறிக் கிடந்தது.

உண்டியலில் இருந்த ரூபாய் நோட்டுகள் மற்றும் நகையை திருடிச் சென்ற மர்ம நபர்கள், நாணயங்களை மட்டும் விட்டுச் சென்றுள்ளனர்.

இது குறித்து குன்றத்துார் போலீசார் விசாரிக்கின்றனர்.

இதேபோல, குன்றத்துார் அடுத்த சிறுகளத்துார், கெலடிபேட்டை பகுதியில் உள்ள சீனிவாச பெருமாள் கோவில் மற்றும் குன்றத்துார் புது வட்டாரம் பகுதியில் உள்ள பொன்னியம்மன் கோவில் உண்டியலை உடைக்க முயன்ற போது, சத்தம் கேட்டு அக்கம் பக்கத்தினர் வருவதை அறிந்து, மர்ம நபர்கள் அங்கிருந்து தப்பிச் சென்றனர்.

அனைத்து கோவில்களிலும், கொள்ளை சம்பவத்தில் ஈடுபட்டது, ஒரே கும்பல் என்பது கண்காணிப்பு கேமரா பதிவுகளால் தெரிய வந்துள்ளது. போலீசார் தொடர்ந்து விசாரிக்கின்றனர்.

• 1. உணவு பாதுகாப்பு தினம்
• 2. கிண்டி பல்நோக்கு, முதியோர் மருத்துவமனைக்கு பாதை எங்கே? இணைப்பு வசதியின்றி தீவு போல இருப்பதால் குழப்பம்
• 3.திடீர் மழை
• 4. மெட்ரோ 'பார்க்கிங்' சலுகை வரும் 14ம் தேதி முதல் அமல்
• 5. பகிங்ஹாம் கால்வாய் ஆக்கிரமிப்பு கணக்கெடுப்பு 5 கி.மீ.,க்குள் வீடு கேட்கின்றனர் மக்கள்
• 6. 'மெட்ரோ பாஸ்' திட்டம் துவக்கம்
• 7. காதலுக்கு வீட்டார் எதிர்ப்பு சிறுமி பலி; 2 பேர் 'சீரியஸ்'
• 8.வைகாசி விசாக பிரம்மோற்சவம்
• 9. 14 சுகாதார மையங்கள் முதல்வர் திறந்து வைப்பு
• 10. பூந்தமல்லி நெடுஞ்சாலையில் கவிழ்ந்த சரக்கு வேன்