Dinamalar

மதுரை : ''கஞ்சா, போதை பொருட்கள் விற்பனையை கட்டுப்படுத்த ரவுடி சரித்திர பதிவேடு போன்று கஞ்சா வியாபாரிகளுக்கும் சரித்திர பதிவேடு முதன்முறையாக தென்மண்டலத்தில் பராமரிக்கப்படுகிறது. அதேபோல் முதன்முறையாக நீதிமன்றத்திலேயே சம்பந்தப்பட்டோரிடம் பிணை பத்திரங்கள் எழுதி வாங்கப்பட்டு வருகிறது,''என, தென்மண்டல ஐ.ஜி., அஸ்ராகர்க் கூறினார்.

அவர் கூறியதாவது: கடந்தாண்டில் 13 கஞ்சா வழக்குகளில் குற்றவாளிகள், அவர்களின் நெருங்கிய உறவினர்களின் ரூ.12.50 கோடி மதிப்புள்ள அசையும், அசையா சொத்துக்கள் முடக்கப்பட்டன. இதே போல் மற்ற கஞ்சா வழக்குகளிலும் நடவடிக்கை எடுக்கப்பட்டுள்ளது.

கடந்தாண்டில் தென்மண்டலத்தில் 1091 கஞ்சா வழக்குகள் பதிவு செய்யப்பட்டு, சம்பந்தப்பட்டோரின் 1956 வங்கி கணக்குகள் முடக்கப்பட்டன. 1377 குற்றவாளிகள் மீது நன்னடத்தைக்கான பிணை பத்திரம் பெறப்பட்டுள்ளது. பிணை பத்திர விதிமுறைகளை மீறிய 58 கஞ்சா குற்றவாளிகள் கைது செய்யப்பட்டனர். இந்தாண்டு ஜனவரி வரை 255 கஞ்சா குற்றவாளிகளிடம் பிணை பத்திரம் பெறப்பட்டது.

அடுத்த கட்ட நடவடிக்கையாக நீதிமன்றத்தில் கஞ்சா வழக்குகளில் தண்டனை அளிக்கும்போது போதை பொருள் ஒழிப்புச்சட்டப்பிரிவு( NDPS) பிரிவு 34-ன் கீழ் நீதிமன்றமே நன்னடத்தைக்கான பிணை பத்திரம் பெறலாம் என்ற அடிப்படையில் தென்மண்டலத்தில் 54 பேரிடம் பிணை பத்திரம் பெறப்பட்டுள்ளது.

கஞ்சா வியாபாரிகளுக்கு சரித்திர பதிவேடு உருவாக்கி மதுரை 85 பேர், திண்டுக்கல் 131, தேனி 59, ராமநாதபுரம் 26, சிவகங்கை 26, விருதுநகர் 132, திருநெல்வேலி நகர் 17, மாவட்டம் -46, தென்காசி 15, துாத்துக்குடி 28, கன்னியாகுமரி 59 என தென்மண்டலத்தில் 624 பேர் கண்காணிக்கப்பட்டு வருகிறார்கள். இதன்மூலம் கஞ்சா விற்பனை முற்றிலும் தடுக்கப்படும் என நம்புகிறோம். இவ்வாறு கூறினார்.

• 1. போலி ஆவணம் மூலம் பாஸ்போர்ட் வழங்கியதாக வழக்கு கியூ பிராஞ்ச் போலீசாருக்கு எதிராக அவமதிப்பு மனு உயர்நீதிமன்றம் முடித்துவைப்பு
• 2. திருவாதவூரில் கை, கால்களை கட்டி கத்தியால் குத்தி சினிமா உதவி ஒளிப்பதிவாளர் கொலை மனைவியுடன் தொடர்பால் கணவர் வெறிச்செயல்; 3 பேர் கைது
• 3. பட்டாணி இறக்குமதி தடையை நீக்க வேண்டும் மத்திய அரசுக்கு வியாபாரிகள் கோரிக்கை
• 4. மணல் குவாரிக்கு தடை கோரிய வழக்குஆவணம் கோரும் உயர்நீதிமன்றம்
• 5. சித்திரைத் திருவிழா ஏப்.23ல் துவக்கம் மதுரையில் மே 2ல் மீனாட்சி திருக்கல்யாணம் மே 5ல் வைகை ஆற்றில் இறங்குகிறார் அழகர்
• 6. மதுரையில் பெண் குழந்தையை வளர்ப்பதாக கூறி விற்க முயற்சி 4 பெண்கள் கைது
• 7. பெரியாறு அணையில் ஆய்வு
• 8. சிறுமிக்கு பாலியல் தொல்லை 2 பேருக்கு 20 ஆண்டு சிறை
• 9. வேட்டைக்காரன் சுவாமி கோயிலில் ஆண்கள் பங்கேற்ற கறிவிருந்து
• 10. மணல் தீடையில் அகதிகள் மீட்பு