Dinamalar

மேட்டுப்பாளையம்:சிறுமுகை அருகே வனப்பகுதியில், புள்ளிமானுக்கு சுருக்கு வைத்து பிடித்து, அதன் இறைச்சியை விற்பனை செய்ய முயன்ற, இருவரை வனத்துறையினர் கைது செய்தனர்.

சிறுமுகை வனச்சரகம், மோதூர் பெத்திக்குட்டை காப்புக்காடு வனப்பகுதியில், வனப்பணியாளர்கள் ரோந்து பணியில் ஈடுபட்டனர். அப்போது மாலை, 5:30 மணிக்கு அம்மன் புதூர் வனப்பகுதியில் இருவர், மோட்டார் சைக்கிளில் வேகமாக சென்றனர்.

இவர்களை விரட்டி பிடித்து, வண்டியில் இருந்த பிளாஸ்டிக் பையை பிரித்து பார்த்தனர். அதில், தோல் உரித்த ஆண் புள்ளி மான் இறைச்சியும், தலையும் இருந்தது. இவர்களிடம் விசாரணை செய்த போது, சிறுமுகை அம்மன் புதூர் காந்தி, 38; கூத்தாமண்டிபிரிவு கண்ணன், 37 ஆகிய இருவர் என தெரியவந்தது.

இது குறித்து சிறுமுகை வனச்சரக அலுவலர் செந்தில்குமார், இருவரிடம் விசாரணை செய்த போது, அம்மன் புதூர் வனப்பகுதியில், சுருக்கு கம்பி வைத்து, ஆண் புள்ளி மானை பிடித்து, தோல் உரித்த பின்பு, இறைச்சியை விற்பனைக்கு கொண்டு வந்தது தெரிய வந்தது. இவர்களை கைது செய்த வனத்துறையினர், இவர்களிடம் இருந்து, மானின் இறைச்சி, கத்தி, சுருக்கு கம்பி, இருசக்கர வாகனம் ஆகியவற்றை பறிமுதல் செய்தனர்.

• 1. 100 நாள் வேலை திட்டத்தில் மோசடி ஊராட்சி பெண் தலைவர் மீது வழக்கு
• 2. ரூ.1300 கோடி மோசடியில் தேடப்பட்டவர் கோர்ட்டில் சரண்
• 3. தடம் புரண்ட மலை ரயில்: பஸ்சில் கிளம்பிய பயணிகள்
• 4. ரூ.1,300 கோடி மோசடி விவகாரம் தேடப்பட்டவர் கோர்ட்டில் சரண்
• 5. சர்ச்சைக்குரிய கருத்துகளை பதிவிட்ட வாலிபர்கள் டில்லி சென்றது எதற்கு? போலீசார் 'கிடுக்கிப்பிடி' விசாரணை
• 6. குவாரியில் வெடி வெடித்து தொழிலாளி பரிதாப பலி
• 7. வனத்துறை என்.ஓ.சி.,க்கு 'வானளாவிய' லஞ்சம் 'ஹாகா' எல்லையை வரையறுக்க வலுக்கிறது கோரிக்கை
• 8. அவலாஞ்சி அணையை பார்வையிட்ட கவர்னர்
• 9. மலைவாழ் மக்களிடம் கலெக்டர் குறை கேட்பு
• 10. கோவில்பாளையம் கே.எம்.சி.எச்.,ல் பெண்களுக்கு இலவச மருத்துவ முகாம்