Dinamalar

மணவாள நகர்,-கடம்பத்துார் ஒன்றியம், வெங்கத்துார் ஊராட்சியில் தினமும் சேகரமாகும் இரண்டு டன் குப்பையை கூவம் ஆற்றுப் பகுதியில் கொட்டி வந்தனர்.

நீர்நிலைகளில் குப்பைக் கொட்டக்கூடாது அரசு உத்தரவையடுத்து, திருவள்ளூர் மாவட்ட கலெக்டர், வெங்கத்துார் ஊராட்சிக்கு ஆற்றில் குப்பைக் கொட்டக்கூடாது என எச்சரிக்கை விடுத்தார்.

இதையடுத்து, வெங்கத்துார் ஊராட்சிக்குட்பட்ட கன்னியம்மன் நகர் பகுதியில் அமைக்கப்பட்ட திடக்கழிவு மேலாண்மை திட்டத்தை செயல்படுத்தும் வகையில் குப்பை கொண்டு செல்லப்பட்டது.

இதற்கு எதிர்ப்பு தெரிவித்து அப்பகுதி மக்கள் போராட்டம் நடத்தியால் வெங்கத்துார் ஊராட்சியில் மணவாள நகர் பகுதியில் உள்ளஅன்பழகன் தெரு, அண்ண நகர், கருணாநிதி தெரு உட்பட பல இடங்களில் சில தினங்களாக குப்பை அகற்றப்படாமல் மலைபோல் தேங்கி கிடக்கிறது.

இந்த குப்பையில் இரை தேட மாடுகள், பன்றிகள் குப்பையை கிளறுவதால், துர்நாற்றம் வீசுகிறது. இதனால், இப்பகுதி மக்களுக்கு நோய் பரவும் அபாயம் ஏற்பட்டுள்ளது.

எனவே, மாவட்ட நிர்வாகம், குப்பையை அகற்ற தகுந்த நடவடிக்கை எடுக்க வேண்டும் என, வெங்கத்துார் ஊராட்சி மக்கள் எதிர்பார்த்துஉள்ளனர்.

• 1. தற்கொலை சம்பவங்கள்
• 2. குடிசையில் புகுந்து திருட்டு
• 3. சுகாதார சீர்கேடில் பாரதி நகர் குடியிருப்பு சேதமடைந்த கட்டடத்தால் மக்கள் பீதி
• 4. ரூ.1,000 கோடி நிலம் மீட்பு! தோட்டக்கலை துறையின் 115 கிரவுண்டு இடம் அண்ணா மேம்பாலம் அருகே அதிரடி நடவடிக்கை
• 5. சேக।ரிக்கப்பட்ட பொருட்கள் பரிமாற்றம் தாம்பரம் மாநகராட்சியில் ஏற்பாடு
• 6. சிறைவாசிகளின் உணவு முறை மாற்றம்
• 7. 3வது மாடியில் இருந்து விழுந்த தொழிலாளி பலி
• 8. 2.5 கிலோ கஞ்சா பறிமுதல்
• 9. ரயிலில் அடிபட்டு ஒருவர் பலி
• 10. மீனவரை வெட்டிய ரவுடிகள் சிக்கினர்