Dinamalar

திட்டக்குடி, : ஆவினங்குடி ஊராட்சி செயலாளரைக் கண்டித்து, பஞ்சாயத்து தலைவர் தர்ணா போராட்டத்தில் ஈடுபட்டதால் பரபரப்பு ஏற்பட்டது.

கடலூர் மாவட்டம், மங்களூர் ஒன்றியம், ஆவினங்குடி பஞ்சாயத்து தலைவராக இருப்பவர் கலையரசி, 34; ஊராட்சியில் நடைபெற்ற முறைகேடுகள் காரணமாக ஊராட்சிகள் சட்டம் 1994ன் 203பிரிவின் கீழ், பஞ்சாயத்து தலைவர் காசோலையில் கையெழுத்து போடும் அதிகாரத்தை மாவட்ட கலெக்டர் நிறுத்தி வைத்துள்ளார். இதனால் ஆவினங்குடி பஞ்சாயத்து நிர்வாகம் பி.டி.ஓ., கட்டுப்பாட்டில் இயங்கி வருகிறது.

ஊராட்சி செயலாளர் இளவரசி, நேற்று மாலை 3.௦௦ மணியளவில், துப்புரவு பணியாளர்களுக்கு சம்பளம் போடுவதற்காக கேஷ் புக் மற்றும் தீர்மான நோட்டை தருமாறு, பஞ்சாயத்து தலைவரிடம் கேட்டார்.

அதற்கு பஞ்சாயத்து தலைவர் கலையரசி, அலுவலகத்திலேயே அமர்ந்து வேலை பார்க்குமாறு கூறினார்.

ஊராட்சி செயலாளர் இளவரசி, வீட்டில் எழுதி, பின்னர் பி.டி.ஓ.,விடம் கையெழுத்து வாங்கிக் கொள்கிறேன் எனக்கூறினார். இதனால் இருவருக்குமிடையே வாக்குவாதம் ஏற்பட்டது. இதில் ஆத்திரமடைந்த பஞ்சாயத்து தலைவர் கலையரசி, 3.40 மணிக்கு ஊராட்சி அலுவலகத்தை பூட்டிவிட்டு வாயிலில் அமர்ந்து, ஊராட்சி செயலாளரை இடமாற்றம் செய்யக்கோரி தர்ணா போராட்டத்தில் ஈடுபட்டார்.

இதுபற்றி தகவலறிந்த மங்களூர் பி.டி.ஓ.,முருகன், விசாரித்து நடவடிக்கை எடுப்பதாக பஞ்சாயத்து தலைவரிடம் கூறினார். இதைத்தொடர்ந்து மாலை 4 .00 மணிக்கு பஞ்சாயத்து தலைவர் போராட்டத்தை விலக்கிக் கொண்டார். இந்த சம்பவம் ஆவினங்குடியில் பரபரப்பை ஏற்படுத்தியது.

• 1. கீழ்கூத்தப்பாக்கம் சந்திப்பில் ரூ.23.54 கோடியில் மேம்பாலம்
• 2. சி.ஐ.டி.யூ., தெருமுனை பிரச்சார கூட்டம்
• 3. எள் செடிகளில் வேர் அழுகல் நோய்: கட்டுப்படுத்த அறிவுரை
• 4. ஊராட்சி துணைத் தலைவியின் மகன் கொலை
• 5. என்.எல்.சி.,க்கு நிலம் கொடுத்தவர்கள் கால நிலை அகதிகள் பா.ம.க.,தலைவர் அன்புமணி பேச்சு
• 6. வேலை வாய்ப்பு முகாமில் கடைக்கு ஆள் எடுப்பு
• 7. விழுப்புரம் புத்தகத் திருவிழாவில் 'மஞ்சள் பை' விழிப்புணர்வு அரங்கு
• 8. மவுண்ட் பார்க் சி.பி.எஸ்.இ., பள்ளியில் ஸ்காலர்ஷிப் பெற இன்று தகுதி தேர்வு
• 9. 2000 ஆண்டுகள் பழமை வாய்ந்த பானை ஓடு விழுப்புரம் அருகே கண்டுபிடிப்பு
• 10. வங்கி ஊழியரிடம் நுாதன மோசடி சைபர் கிரைம் போலீசார் வழக்கு பதிவு