Dinamalar

திருச்சி மாவட்டம், சமயபுரம் அருகே உள்ள சிறுகனுாரில், கடந்த 5ம் தேதி, தவ்ஹீத் ஜமாத் என்ற அமைப்பின் சார்பில், மூட நம்பிக்கை ஒழிப்பு மாநாடு, மாநில தலைவர் சுலைமான் தலைமையில் நடந்தது. மாநாட்டில், நாகூர் தர்கா குறித்தும், மத நம்பிக்கைகள் குறித்தும் அவதுாறாக, அமைப்பின் நிர்வாகிகள் பேசினர்.

இதையடுத்து, நாகூர் தர்கா தலைவர் கலிபா சாகிப் உள்பட நான்கு பேர், சிறுகனுார் போலீசில் புகார் அளித்தனர்.அதன்படி, தவ்ஹீத் அமைப்பின் தலைவர் சுலைமான், பொதுச்செயலர் அப்துல் கரீம், செயலர் சித்திக், பேச்சாளர் சுலைமான், நிர்வாகக்குழு உறுப்பினர் சம்சுல்ஹா ரகுமானி உள்பட, 33 பேர் மீது, சிறுகனுார் போலீசார், வழக்கு பதிந்து, விசாரிக்கின்றனர்.