Dinamalar

கோவை: கோடநாடு எஸ்டேட் கொலை, கொள்ளை வழக்கு தொடர்பாக, 6 பேரிடம் நேற்று சி.பி.சி.ஐ.டி., போலீசார் விசாரணை நடத்தினர். முன்னாள் முதல்வர் ஜெயலலிதாவுக்கு சொந்தமான கோத்தகிரி கோடநாடு எஸ்டேட் பங்களாவில், 2017 ஏப்., 23ல் கொலை, கொள்ளை சம்பவங்கள் நடந்தன.

இந்த வழக்கில் கைது செய்யப்பட்ட, 12 பேர் ஜாமினில் வெளியே வந்துள்ளனர். வழக்கில் உண்மையை கண்டறியும் நோக்கத்துடன், ஜெ., தோழி சசிகலா, முன்னாள் எம்.எல்.ஏ., ஆறுக்குட்டி உள்ளிட்ட, 300க்கும் மேற்பட்டோரிடம் இதுவரை சி.பி.சி.ஐ.டி., போலீசார் விசாரணை நடத்தியுள்ளனர்.

நேற்றும் கோவை சி.பி.சி.ஐ.டி., முகாம் அலுவலகத்தில், கிருஷ்ணமூர்த்தி, ராஜேஷ், வினோத், செல்வம், மணிகண்டன், ஜெயசீலன் ஆகிய, 6 பேரிடம் டி.எஸ்.பி., சந்திரசேகர் தலைமையிலான அதிகாரிகள் விசாரணை நடத்தினர்.

இவர்களில் செல்வம், கோடநாடு எஸ்டேட்டில் சிறு வேலைகளை செய்து வந்தார். நீலகிரி மாவட்ட ஜெ., பேரவை நிர்வாகியாகவும் இருந்துள்ளார். இப்போது அ.ம.மு.க.,வில் இருக்கிறார்.கிருஷ்ணமூர்த்தி, கோடநாடு எஸ்டேட்டில் வேலை பார்த்தவர்.

மணிகண்டன், ஜெயசீலன் ஆகியோர் குற்றம் சாட்டப்பட்டவர்களுக்கு மொழி பெயர்ப்பாளராக இருந்திருக்கலாம் என்ற சந்தேகத்தில் போலீசார் விசாரணை நடத்தியுள்ளனர்.

ராஜேஷ், வினோத் ஆகியோர் கோடநாடு எஸ்டேட் தொழிலாளர்கள். வெவ்வேறு கோணங்களில் வழக்கு விசாரணை தொடர்ந்து நடந்து வருவதாக அதிகாரிகள் தெரிவித்தனர்.

• 1.கொழுப்பு சத்து குறைந்த ஆவின் பால்: வாடிக்கையாளர்கள் கொதிப்பு
• 2.காலநிலை மாற்றம்: காய்ச்சல் அதிகரிக்கும் வாய்ப்பு
• 3. 'டாஸ்க்' வச்சு அள்ளு... 'டாஸ்மாக்' ஆபீசர் தில்லு:ராத்திரி கடைகளில் வசூலிக்கும் 'போலீஸ் படை'
• 4. கண்ணில் கறுப்பு துணி கட்டி டவுன் பஞ்., கவுன்சிலர்கள் மனு
• 5. முதல்வர் அறிவித்த ஜவுளி பூங்கா பல்லடத்தில் அமைய எதிர்பார்ப்பு
• 6. கல்லுாரி மாணவர்களுக்கு கஞ்சா சாக்லேட் விற்பனை
• 7. காலநிலை மாற்றம்: சுகாதாரத்துறை கவலை காய்ச்சல் அதிகரிக்கும் வாய்ப்பு
• 8. 'வீடியோ' வாயிலாக புகார்கள் விசாரணை நடைமுறை துவக்கம்
• 9. பூங்கா ஊழியர்கள் மரத்திடம் மனு கொடுத்து போராட்டம்
• 10. 'போக்சோ' வழக்கில் மூன்று பேருக்கு 10 ஆண்டு சிறை