Dinamalar

கரூர்: கரூர் மனோகரா கார்னர் பகுதியில், மின் தடை காரணமாக நேற்று தானியங்கி சிக்னல்கள் செயல்படவில்லை. இதனால், கடும் போக்குவரத்து நெரிசல் ஏற்பட்டு வாகன ஓட்டிகள் அவதிக்குள்ளாகினர்.
கரூர் பஸ் ஸ்டாண்ட் அருகே, கோவை சாலை, திருச்சி சாலை, ஜவஹர் பஜார் சாலை மற்றும் திண்ணப்பா கார்னர் சாலைகள் பிரியும் இடத்தில், மனோகரா கார்னரில் நான்கு பகுதிகளிலும், தானியங்கி சிக்னல்கள் வைக்கப்பட்டுள்ளன.

கரூர் நகரில் மின் தடை ஏற்படும் போது, தானியங்கி சிக்னல்கள் செயல்படாது. பல ஆண்டுகளாக இந்ந நிலை உள்ளது. நேற்று கரூர் நகரில் துணை மின் நிலையத்தில், பராமரிப்பு பணிகள் காரணமாக, காலை, 9:00 மணி முதல் மாலை, 5:00 மணி வரை மின் வினியோகம் நிறுத்தப்பட்டது.
அப்போது, மனோகரா கார்னரில் தானியங்கி
சிக்னல்கள் செயல்படவில்லை. இதனால், வாகன ஓட்டிகள் தாறுமாறாக சென்றதால், கடும் போக்குவரத்து நெரிசல் ஏற்பட்டது. பஸ் ஸ்டாண்டில் இருந்து வெளியேறும் பஸ்களும், நெரிசலில் சிக்கி கொண்டன.
எனவே, மனோகரா கார்னர் பகுதியில் உள்ள சிக்னல்கள் 24 மணி நேரமும் தடையின்றி செயல்படும் வகையில் யு.பி.எஸ்., வசதி ஏற்படுத்த மாவட்ட நிர்வாகம் நடவடிக்கை எடுக்க வேண்டியது அவசியம்.

• 1. அண்ணியாரை உதைத்து கொன்ற கொழுந்தன் கைது
• 2.சுகாதாரமற்ற முறையில் உணவு பண்டங்கள் விற்பனை
• 3.செய்திகள் சில வரிகளில்... கரூர்
• 4. கரூர் சுற்று வட்டார பகுதிகளில் குளிர்ந்த காற்றுடன் திடீர் மழை
• 5. நிதி நிறுவன பங்குதாரர்கள் வீடுகளில் போலீசார் சோதனை
• 6.சத்துணவு, அங்கன்வாடி ஊழியர்கள் ஆர்ப்பாட்டம்
• 7.ஒன்றிய செய்திகள் - கரூர்
• 8. மகிளிப்பட்டி கிராமத்தில் செழிப்புடன் காணப்படும் நெல் வயல்
• 9. ஊரக வளர்ச்சித்துறை திட்ட பணிகள் ஆய்வு கூட்டம்
• 10. கரூர் - பழைய திருச்சி சாலையில் விளக்கு இல்லாததால் தவிப்பு