Dinamalar

குன்றத்துார்:குன்றத்துார் ஒன்றியம் படப்பை, மணிமங்கலம், நந்தம்பாக்கம், கொளப்பாக்கம் ஊராட்சிகளில், இரண்டு ஆண்டுகளாக தெரு நாய்களின் எண்ணிக்கை ஆயிரக்கணக்கில் அதிகரித்துவிட்டது.

அதேபோல், குன்றத்துார் நகராட்சி மற்றும் சுற்றியுள்ள பகுதிகளிலும் நாய் தொல்லை பெருகிவிட்டது.

இப்பகுதிகளில் இருந்து, தினசரி ஐந்து பேராவது நாய் கடிக்கு ஆளாகி, அரசு மருத்துவமனைக்கு செல்கின்றனர்.

அந்த வகையில், குன்றத்துார் வட்டாரத்தில் மட்டும், ஐந்து மாதங்களில், 1,100 பேர், தெரு நாய் கடிக்கு ஆளாகி, குன்றத்துார் ஆரம்ப சுகாதார நிலையத்தில் சிகிச்சை பெற்றுள்ளனர்.

குன்றத்துார் நகராட்சி, அமைச்சர் அன்பரசனின் சொந்த ஊராகும். அமைச்சர் ஊரிலேயே, தெரு நாய்களை கட்டுப்படுத்த எவ்வித நடவடிக்கையும் எடுக்காதது, பொதுமக்கள் மத்தியில் அதிருப்தியை ஏற்படுத்தியுள்ளது.

குன்றத்துார் நகராட்சி மக்கள் கூறியதாவது:

தெரு நாய்களின் தொல்லை, நாளுக்கு நாள் அதிகரித்து வருகிறது. அதிகாலை மற்றும் இரவு நேரத்தில் கூட்டம் கூட்டமாக திரியும் இவை, பைக்கில் செல்வோரை விரட்டி விரட்டி கடிக்கின்றன.

நாய்களால், முதியவர், சிறுவர்கள் வெளியே செல்லவும் அச்சப்படுகின்றனர். கையில் குச்சியுடன் செல்லும் சூழல் உருவாகியுள்ளது.

இது தொடர்பாக, குன்றத்துார் நகராட்சியில், பல முறை புகார் அளித்தும், நிர்வாகத்தினர் கண்டுகொள்ளவில்லை.

• 1.மாநகராட்சி சொத்து வரி நிலுவை தொகை ரூ.170 கோடி!
• 2. ஐகோர்ட் வளாகத்தில் பறந்த 'ட்ரோன்' கேமரா பறிமுதல்
• 3. தந்தை, மகன் மின் விபத்தில் உயிரிழப்பு
• 4. 400 கிராம் நகை மீட்பு
• 5. 12 ஆண்டுக்குப் பின் பயன்பாட்டிற்கு வருகிறது அண்ணா நகர் டவர் பூங்கா
• 6. தேசிய வில் வித்தை போட்டியில் தமிழக வீராங்கனையர் சாதனை
• 7. வேல்ஸ் பல்கலை மாணவர் 'கிக் பாக்சிங்'கில் அசத்தல்
• 8. இயற்கை முறை மாடி தோட்டம் பொதுமக்கள் உற்சாக பங்கேற்பு
• 9. குடிநீர் சுத்திகரிப்பு குழாய் பதிப்பு பூந்தமல்லியில் அமைச்சர் ஆய்வு
• 10. 16 கிலோ கஞ்சா பறிமுதல்