Dinamalar

திருநெல்வேலி:கன்னியாகுமரி மாவட்ட விசைப்படகு மீது நாட்டு வெடிகுண்டுகள் வீசியதாக திருநெல்வேலி மீனவர்கள் 37 பேர் மீது மரைன் போலீசார் வழக்கு பதிவு செய்தனர்.

கன்னியாகுமரி மாவட்டம் சின்ன முட்டம் மீன்பிடி துறைமுகத்திலிருந்து 5 விசைப்படகுகள் இழுவலைகள் மூலம் திருநெல்வேலி மாவட்டம் இடிந்தகரையில் இருந்து 8 கடல் மைல் தொலைவில் கடலில் மீன் பிடித்தனர். இதில் இடிந்தகரை நாட்டுப் படகு மீனவர்களின் வலைகள் மற்றும் மீன்பிடி உபகரணங்கள் சேதமடைந்தன.

எனவே இடிந்தகரை மீனவர்கள் சிலர் கடலுக்குள் சென்று அவர்களை எச்சரித்தனர். விசைப்படகுகளை ஆழ்கடலுக்கு கொண்டு செல்லுமாறு கூறினர். இருப்பினும் அவர்கள் செல்லவில்லை. இதையடுத்து நாட்டுப் படகு மீனவர்கள் நடுக்கடலில் அவர்கள் மீது நாட்டு வெடிகுண்டுகளை வீசினர்.

சின்னமுட்டம் விசைப்படகு ஓட்டுனர் கிறிஸ்டி கன்னியாகுமரி மரைன் போலீசில் புகார் செய்தார். போலீசார் இடிந்தகரை மீனவர்கள் ஜெனிபர் வளன் ராயப்பன் சிபி பீட்டர் உட்பட 37 பேர் மீது வழக்கு பதிவு செய்துள்ளனர்.

• 1. ஏ.எஸ்.பி.,-பல் பிடுங்கிய விவகாரம் சப் கலெக்டரிடம் 6 பேர் சாட்சியம்
• 2. -பல் பிடுங்கல் விவகாரத்தில் சப் - கலெக்டரிடம் சாட்சியம்
• 3. தந்தை, மகன் தற்கொலை
• 4. நெல்லையில் 'லோடுமேன்' சிறுவனால் வெட்டிக் கொலை
• 5. போதையில் கோர்ட்டிற்கு வந்தவருக்கு 5 நாள் சிறை
• 6. ஹரி நாடார் மீண்டும் கைது
• 7. சங்கரன்கோவில், கோவில்பட்டியில் சூறாவளி * ஒருவர் பலி
• 8. பா.ஜ., நிர்வாகி கைது
• 9. மனைவிக்கு கொலை மிரட்டல் பா.ஜ., பிரமுகர் கைது
• 10. சங்கரன்கோவில் பகுதியில் சூறாவளிக்கு முதியவர் பலி