Dinamalar

கரூர்: தொழில் நல்லுறவு சிறப்பு விருதுக்கு, தகுதி வாய்ந்தவர்கள் விண்ணப்பிக்கலாம் என, கரூர் தொழிலாளர் உதவி ஆணையர் (அமலாக்கம்) ராமராஜ் தெரிவித்துள்ளார்.
இதுகுறித்து அவர் வெளியிட்டுள்ள அறிக்கையில் கூறியிருப்பதாவது: வேலையளிப்பவர்கள் மற்றும் தொழிலாளர்கள் இடையே தொழில் அமைதியும், தொழில் நல்லுறவு நிலவுவதையும் ஊக்குவிக்கும் பொருட்டு, தமிழக அரசு தொழில் நல்லுறவு பரிசு திட்டத்தை ஏற்படுத்தி உள்ளது. நல்ல தொழில் உறவை, பேணி பாதுகாக்கும், வேலையளிப்பவர்கள், தொழிற்சங்கங்களுக்கு 2017, 2018, 2019 மற்றும் 2020-ம் ஆண்டுகளுக்கான சிறப்பு விருதுகளை, உயர்நீதிமன்ற ஓய்வுபெற்ற நீதிபதி தலைமையில் அமைக்கப்பட்ட முத்தரப்பு குழு தேர்ந்தெடுக்கும்.

இந்த விருதுக்கு, விண்ணப்ப படிவங்களை தொழிலாளர் துறை வலைதளத்தில் இருந்து பதிவிறக்கம் செய்து விண்ணப்பிக்கலாம் அல்லது கரூர், தொழிலாளர் உதவி ஆணையர் (அமலாக்கம்) அலுவலகத்தில் விண்ணப்பங்களை பெற்று கொள்ளலாம். பூர்த்தி செய்யப்பட்ட விண்ணப்பத்துடன், விண்ணப்ப கட்டணம் செலுத்திய விவரத்தையும் இணைத்து, சென்னை, தொழிலாளர் ஆணையர் அலுவலகத்துக்கு அனுப்ப வேண்டும். விண்ணப்பங்களை அனுப்புவதற்கான கால அவகாசம், வரும் 31ம் தேதி வரை நீட்டிக்கப்பட்டுள்ளது. இவ்வாறு அதில் குறிப்பிடப்பட்டுள்ளது.

• 1.வருமான வரித்துறை அதிகாரிகள் 'அட்மிட்': துப்பாக்கி ஏந்திய போலீஸ் பாதுகாப்பு
• 2.ஒன்றிய செய்திகள் - கரூர்
• 3.செய்திகள் சில வரிகளில்... கரூர்
• 4. சாலையில் குறுக்கே செல்லும் மாடுகள் வாகன ஓட்டிகள் தவிப்பு
• 5. சக்தி மாரியம்மன் கோவிலில் பக்தர்கள் பால்குட ஊர்வலம்
• 6. 2 பெண்கள் மாயம்: கணவர், தந்தை புகார்
• 7. கூடைப்பந்து இறுதி போட்டியில் இந்தியன் வங்கி அணி, வடக்கு ரயில்வே அணி வெற்றி
• 8. சி.ஐ.டி.யு., நடைபயணம் காந்திகிராமத்தில் வரவேற்பு
• 9. கரூர் மாவட்டத்தில் விடிய விடிய மழை: பாலவிடுதியில் 58.1 மி.மீ., மழை பதிவு
• 10. வகுப்பறை கட்டுமான பணிகள் விரைந்து முடிக்க அறிவுறுத்தல்