Dinamalar

அண்ணா நகர்: அண்ணா நகர் 'டவர்' பூங்காவில், 12 ஆண்டுகளுக்கு பின், கோபுர 'டவர்' நேற்று பொதுமக்கள் பயன்பாட்டிற்காக திறக்கப்பட்டது.

அண்ணா நகரின் மையப்பகுதியில், 15.5 ஏக்கர் பரப்பளவில், டாக்டர் விஸ்வேஸ்வரய்யா பூங்கா பரந்து விரிந்துள்ளது. இங்கு, 138 அடி உயரம் மற்றும், 42 மீட்டர் அகலம் உடைய டவர் எனப்படும் கோபுரம், முதல் முதலாக 1968ல் பொதுமக்கள் பார்வைக்கு திறக்கப்பட்டது.

கோபுரத்தின் மீது ஏறி காதல் ஜோடிகள் உள்ளிட்டோர் தற்கொலை செய்து கொள்வது அதிகரித்தது. இதனால், கோபுரத்தில் ஏற, 2011 முதல் தடை விதிக்கப்பட்டு, பூட்டிக் கிடந்தது.

பொதுமக்கள் கோரிக்கையை ஏற்று, 97.60 லட்சம் ரூபாய் மூலதன நிதியில் பூங்கா மறுசீரமைக்கப்பட்டது. அதில், கோபுர டவர் சீரமைக்கப்பட்டது. அதன் 13 தளங்களிலும் பாதுகாப்பு தடுப்புகள் அமைத்து, வண்ண ஓவியங்கள் தீட்டப்பட்டன.

சீரமைக்கப்பட்ட டவரை, நேற்று மாலை, நகராட்சி நிர்வாகத்துறை அமைச்சர் நேரு, மாநகராட்சி மேயர் பிரியா, துணை மேயர் மகேஷ், அண்ணா நகர் எம்.எல்.ஏ., மோகன், சுப்பிரமணியன் உள்ளிட்டோர் திறந்து வைத்தனர்.

திறப்பு விழா மாலை, 5:00 மணிக்கு மேல் நடந்ததால், பொதுமக்கள் டவரில் ஏற அனுமதிக்கவில்லை. இதனால், ஏராளமானோர் ஏமாற்றத்துடன் திரும்பி சென்றனர்.

• 1. செங்கை புறவழிச்சாலையில் நிற்காத பேருந்துகளால் சிரமம்
• 2. சிவில் நீதிபதி தேர்வுக்கு இலவச பயிற்சி வகுப்பு
• 3. 'ஜெம்' மருத்துவமனை புது கிளை அமைந்தகரையில் துவக்கம்
• 4. நீர்நிலைகளில் தேங்கும் கழிவுகளை அகற்ற உத்தரவு
• 5. சமஸ்கிருத நுழைவு தேர்வில் திருப்பரங்குன்றம் மாணவர் முதலிடம்
• 6. வங்கி ஊழியர் தற்கொலை
• 7. பிரியாணி கடையில் பணியாளர் கைவரிசை
• 8.தாயை அடித்து கொன்ற பாசக்கார மகன் கைது
• 9. மத்திய யுனானி மருத்துவ புது அதிகாரி பொறுப்பேற்பு
• 10. முதியவரை தாக்கியவர் கைது