Dinamalar

சென்னை, சென்னை சேப்பாக்கம் ஸ்டேடியத்தில், இந்தியா - ஆஸ்திரேலியா அணிகள் மோதும், 3வது ஒரு நாள் கிரிக்கெட் போட்டி நாளை நடப்பதால், நாளை மதியம் 12:00 முதல் இரவு 10:00 மணி வரை போக்குவரத்து மாற்றம் செய்யப்பட்டுள்ளது.

போக்குவரத்து போலீசார் நேற்று வெளியிட்ட செய்திக் குறிப்பு:

 பெல்ஸ் சாலை - இந்த சாலை தற்காலிகமாக ஒரு வழிப்பாதையாக மாற்றப்பட்டு, வாலாஜா சாலை மற்றும் பெல்ஸ் சாலை சிக்னலில் இருந்து, 'நோ என்ட்ரி'யாக செயல்படுத்தப்படும்.

 பாரதி சாலை - காமராஜர் சாலையில் இருந்து, பாரதி சாலை நோக்கிச் செல்லும் உரிய அனுமதி அட்டை உள்ள வாகனங்கள் மட்டும் செல்ல வேண்டும். மற்ற வாகனங்களுக்கு அனுமதி இல்லை

 கெனால் சாலை - இந்த சாலை பாரதிசாலையில் இருந்து 'என்ட்ரி'யாகவும், வாலாஜா சாலை, 'நோ என்ட்ரி'யாகவும் செயல்படுத்தப்படும்

 வாலாஜா சாலை - அண்ணா சாலையில் இருந்து, எம்.பி.டி.டயுள்யூ ஆகிய எழுத்துகள் உள்ள, அனுமதி அட்டைகள் உள்ள வாகனங்கள் வாலாஜா சாலை, பெல்ஸ் சாலை, பாரதி சாலை மற்றும் கெனால் சாலை வழியாக, அந்தந்த வாகன நிறுத்தும் இடங்களுக்குச் செல்ல வேண்டும்

 'பி மற்றும் ஆர்' எழுத்துகள் உள்ள, அனுமதி அட்டைகள் உள்ள வாகனங்கள், வாலாஜா சாலை வழியாகவே சென்று, அந்தந்த வாகன நிறுத்துமிடங்களுக்குச் செல்லலாம்

 காமராஜர் சாலை - போர் நினைவு சின்னம் மற்றும் காந்தி சிலை வழியாக, எம்.பி.டி.டயுள்யூ ஆகிய எழுத்துகள் அனுமதி அட்டையுடன் வரும் வாகனங்கள், பாரதி சாலை வழியாக கெனால் சாலைக்கு சென்று, வாகன நிறுத்தங்களுக்கு செல்லலாம்

 அனுமதி அட்டை இல்லாத வாகனங்கள் அனைத்தும், பொதுப்பணித்துறைக்கு எதிரே உள்ள, கடற்கரை உட்புறச் சாலையில் வாகனங்களை நிறுத்திக் கொள்ளலாம்

 அனுமதி அட்டை இல்லாமல் வரும் வாகனங்கள் - அண்ணா சாலையில் இருந்து, இரு சக்கர வாகனங்கள், கார்கள் வாலாஜா சாலை, உழைப்பாளர் சிலை, காமராஜர் சாலை வழியாக சென்று, கடற்கரை உட்புற சாலைக்குச் சென்று நிறுத்த வேண்டும்

 போர் நினைவு சின்னத்தில் இருந்து வரும் வாகனங்கள், காமராஜர் சாலை வழியாக சென்று, பொதுப்பணித்துறை அலுவலகம் முன் உள்ள, கடற்கரை உட்புற சாலைக்குச் சென்று நிறுத்த வேண்டும்

 காந்தி சிலையில் இருந்து வரும் வாகனங்கள், காமராஜர் சாலை வழியாக சென்று, பொதுப்பணித்துறை அலுவலகத்திற்கு முன், கடற்கரை உட்புற சாலைக்கு சென்று நிறுத்த வேண்டும்.

இவ்வாறு அதில் கூறப்பட்டுள்ளது.

• 1. உணவு பாதுகாப்பு தினம்
• 2. கிண்டி பல்நோக்கு, முதியோர் மருத்துவமனைக்கு பாதை எங்கே? இணைப்பு வசதியின்றி தீவு போல இருப்பதால் குழப்பம்
• 3.திடீர் மழை
• 4. மெட்ரோ 'பார்க்கிங்' சலுகை வரும் 14ம் தேதி முதல் அமல்
• 5. பகிங்ஹாம் கால்வாய் ஆக்கிரமிப்பு கணக்கெடுப்பு 5 கி.மீ.,க்குள் வீடு கேட்கின்றனர் மக்கள்
• 6. 'மெட்ரோ பாஸ்' திட்டம் துவக்கம்
• 7. காதலுக்கு வீட்டார் எதிர்ப்பு சிறுமி பலி; 2 பேர் 'சீரியஸ்'
• 8.வைகாசி விசாக பிரம்மோற்சவம்
• 9. 14 சுகாதார மையங்கள் முதல்வர் திறந்து வைப்பு
• 10. பூந்தமல்லி நெடுஞ்சாலையில் கவிழ்ந்த சரக்கு வேன்