Dinamalar

மதுரை, : தமிழக அரசு பட்ஜெட்டில் அரசு ஊழியர்கள், ஆசிரியர்களுக்கு அறிவிப்பு எதுவும் இல்லாததால், அதிருப்தியடைந்து போராட்ட அறிவிப்பை வெளியிட்டுள்ளனர்.

தமிழ்நாடு அரசு ஊழியர் சங்க மாநில பொதுச் செயலாளர் செல்வம் கூறியிருப்பதாவது: தமிழக பட்ஜெட்டில் அரசு ஊழியர்கள், ஆசிரியர்களின் எந்த கோரிக்கையும் இடம்பெறவில்லை. இதனால் இந்த நிதிநிலை அறிக்கை அரசு ஊழியர், ஆசிரியர்கள் மத்தியில் கடும் கோபத்தையும், அதிர்ச்சியையும் ஏற்படுத்தி இருப்பதுடன், ஏமாற்றமும் அளிக்கிறது.

எங்கள் வாழ்வாதார கோரிக்கை இந்த பட்ஜெட்டில் இடம்பெறவில்லை. எனவே அதைக் கண்டித்து இன்று (மார்ச் 21) மாநில அளவில் அனைத்து அரசு அலுவலகங்கள் முன்பும் ஆர்ப்பாட்டம் நடத்த முடிவு செய்யப்பட்டுள்ளது. அதேபோல ஏற்கனவே மாநில பிரதிநிதித்துவ பேரவையில் எடுத்த முடிவின் அடிப்படையில் மார்ச் 21 முதல் 24 வரை 60க்கும் மேற்பட்ட துறைவாரி சங்கங்கள் பங்கேற்கும் பிரசார இயக்கமும், லட்சக்கணக்கான அரசு ஊழியர்கள் பங்கேற்கும் வகையில் மார்ச் 28 ல் ஒருநாள் வேலை நிறுத்தமும் செய்ய உள்ளோம்.

அசையாத அரசை அசைய வைக்க ஏப்.,19ல் வாழ்வாதார கோரிக்கையை நிறைவேற்ற வலியுறுத்தி கோட்டை முற்றுகை போராட்டம் நடத்தவும் முடிவு செய்யப்பட்டுள்ளது. இவ்வாறு அவர் கூறியுள்ளார்.

• 1.கடலில் வீசப்பட்ட தங்க கட்டிகள்: தேடுதல் வேட்டையில் சுங்கத் துறை அதிகாரிகள்
• 2.மதுவில் விஷம் கொடுத்து பூஜாரியை கொலை செய்தவர் கைது
• 3. திருடியவர் கைது
• 4. ரயில் விபத்து; மோட்ச தீபம்
• 5. கோபால்பட்டியில் மழை
• 6. பட்டாக்கத்தியுடன் தகராறு 10 பேர் மீது வழக்கு
• 7. தந்தையை கொன்ற மகன் கைது
• 8. டூவீலர் திருடிய இருவர் கைது
• 9. அரசு ஊழியர் ஆர்ப்பாட்டம்
• 10. விபத்தில் இளைஞர் பலி..