Dinamalar

திருவண்ணாமலை : திருவண்ணாமலையில், ஏ.டி.எம்., கொள்ளையில் ஈடுபட்டு கைதான ஐந்து பேரை, போலீசார் நான்கு நாள் காவலில் எடுத்து விசாரித்து வருகின்றனர்.

திருவண்ணாமலை, கலசப்பாக்கம் மற்றும் போளூரில், பிப்., 12-ல் நான்கு ஏ.டி.எம்.,களில், 73 லட்சம் ரூபாய் கொள்ளை அடிக்கப்பட்டது.

கொள்ளையில் ஈடுபட்ட ஹரியானா மாநிலத்தைச் சேர்ந்த முகமது ஆரிப், 35, ஆசாத், 36, கர்நாடக மாநிலத்தைச் சேர்ந்த குதரத்பாஷா, 43, அசாம் மாநிலத்தைச் சேர்ந்த அப்சர் உசேன், 26, நிஜாமுதீன், 37, மற்றும் கொள்ளையர்களுக்கு அடைக்கலம் கொடுத்த இருவர் உட்பட ஏழு பேரை இதுவரை கைது செய்து, 5 லட்சம் ரூபாயை பறிமுதல் செய்துள்ளனர்.

கொள்ளையர்கள் ஐந்து பேரை போலீஸ் காவலில் எடுத்து விசாரிக்க போலீசார், போளூர் கோர்ட்டில் மனுதாக்கல் செய்தனர்.

மாஜிஸ்திரேட் காளிமுத்துவேல், நேற்று முன்தினம் மாலை, கொள்ளையர்கள் ஐந்து பேரையும், நான்கு நாள் காவலில் விசாரிக்க அனுமதியளித்தார்.

இதையடுத்து, ஐந்து பேரையும் போளூரில் வைத்து கொள்ளையடித்த, 68 லட்சம் ரூபாயை எங்கு பதுக்கி வைத்துள்ளனர் என, போலீசார் விசாரித்து வருகின்றனர்.

• 1. கலெக்டரை கண்டித்து டாக்டர்கள் திருவண்ணாமலையில் ஆர்ப்பாட்டம்
• 2. நண்பனின் இறப்பை தாங்காமல் துாக்கில் தொங்கிய சினேகிதன்
• 3. கிணற்றில் மூழ்கி சிறுவன் பரிதாப பலி
• 4. கழிவுநீரில் மனித உயிரிழப்பு தமிழகத்தில் அதிகம் ஆணைய தலைவர் தகவல்
• 5. வைகாசி பிரதோஷ பூஜை தி.மலையில் கோலாகலம்
• 6.மேகதாது விவகாரத்தில் சமரசம் கிடையாது:அமைச்சர் துரைமுருகன்
• 7.சாராய விற்பனையை தடுக்க தவறிய போலீஸ் ஏட்டு 'சஸ்பெண்ட்'
• 8. 'ப்ளு டூத்' பொருத்தி தேர்வு கைதான வாலிபர் விடுவிப்பு
• 9. பா.ஜ., தலைவர் தி.மலையில் சாமி தரிசனம்
• 10. கன்டெய்னர் லாரி மீது கார் மோதி அக்கா - தம்பி உட்பட 3 பேர் பலி