Dinamalar

விருத்தாசலம், :இன்ஸ்டாகிராமில் காதலித்த வாலிபரை, போலீசார் முன்னிலையில் தனியார் பள்ளி ஆசிரியை திருமணம் செய்து கொண்டார்.

கடலுார் மாவட்டம், விருத்தாசலம் முல்லா தோட்டத்தை சேர்ந்தவர் சரவணன் மகன் விமல்ராஜ்,26; விருத்தாசலம் பெரிய கண்டியங்குப்பம் கிராமத்தைச் சேர்ந்தவர் கோபால் மகள் துளசி, 26; தனியார் பள்ளி ஆசிரியை.

விமல்ராஜ்- துளசி இடையே கடந்த இரு ஆண்டுகளுக்கு முன் இன்ஸ்டாகிராமில் பழக்கம் ஏற்பட்டு, காதலாக மாறியது. இவர்களின் காதலுக்கு துளசி வீட்டில் எதிர்ப்பு தெரிவித்தனர். கடந்த 16ம் தேதி, துளசி தனது வீட்டில் வேறு மாப்பிள்ளை பார்ப்பதாக, விமல்ராஜிடம் தெரிவித்தார்.

அதை தொடர்ந்து, விமல்ராஜ், நேற்று துளசியின் வீட்டிற்கு சென்று பெண் கேட்டார். அப்போது துளசியின் உறவினர்களுக்கும், விமல்ராஜிக்கும் இடையே பிரச்னை ஏற்பட்டது.

இதுகுறித்து, டி.எஸ்.பி., ஆரோக்கியராஜிடம், விமல்ராஜ் புகார் அளித்தார். துளசி, விமல்ராஜிடம் விருத்தாசலம் அனைத்து மகளிர் காவல் நிலைய போலீசார் விசாரணை நடத்தினர்.

அதில், இருவரும் ஒருவரையொருவர் உண்மையாக காதலிப்பது உறுதி செய்யப்பட்டது.

அதைத்தொடர்ந்து, போலீசார் மற்றும் விமல்ராஜ் உறவினர்கள் முன்னிலையில், எம்.ஜி.ஆர்., நகரில் உள்ள வண்ணமுத்து மாரியம்மன் கோவிலில் இருவரும் திருமணம் செய்து கொண்டனர்.

• 1. ஸ்ரீ சரஸ்வதி வித்யாலயா சி.பி.எஸ்.இ., பள்ளி திறப்பு
• 2. நடுவீரப்பட்டு கோவிலில் 2ம் தேதி தீமிதி திருவிழா
• 3. முதியவரை தாக்கி பணம் பறிப்பு
• 4. விவசாயி தற்கொலை
• 5. சாமந்தி பூ விலை வீழ்ச்சி
• 6. என்.எல்.சி., ஆதரவாளர்களுக்கு நன்றி வேலையில்லா இளைஞர்கள் விரக்தி பேனர்
• 7. ரவுடி தம்பி வெட்டிக் கொலை
• 8. அதிகாரிக்கு ஒத்துழைக்காத கீழ்நிலை அலுவலர்கள் நலத்திட்டங்கள் பெற முடியாமல் விவசாயிகள் தவிப்பு
• 9. கடலுாரில் சுற்றித்திரியும் மாடுகள் கட்டுப்படுத்த நடவடிக்கை தேவை
• 10. லஞ்சம் வாங்கிய வணிக வரி அதிகாரிக்கு 2 ஆண்டு சிறை